Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Pina ya Salumoni 1:1-17

LITABA ZE MWAHALI

  • Pina ya lipina (1)

  • Kalibe (2-7)

  • Bana babasizana ba mwa Jerusalema (8)

  • Mulena (9-11)

    • “Luka kuezeza likabisa za gauda” (11)

  • Kalibe (12-14)

    • “Wa lilato laka uswana sina mukotana wa mira yenunka hande” (13)

  • Mulisana (15)

    • “U yomunde, wena mulatiwa waka”

  • Kalibe (16, 17)

    • “U yomunde, wena wa lilato laka” (16)

1  Ki ye pina ya lipina,* ili pina ya Salumoni:+   “Anitubete ka mulomo wahae, Kakuli lilato leu nibonisa ki lelinde kufita waine.+   Munko wa oli yahao ki omunde.+ Libizo lahao liswana sina oli yesuluzwi yenunka hande.+ Ki lona libaka likalibe hali kulata.   Uye ni na;* halumate. Mulena unitisize mwa mizuzu yahae ya mwahali! Halunyakalale, lutabe hamoho. Lulumbaete* lilato lahao leu nibonisa, lelinde kufita waine. Kwaswanela luli haba kulata.*   Mina bana babasizana ba mwa Jerusalema, na niyomunsu, kono nabuheha, Sina litende za Kedare,+ sina litende+ za Salumoni.   Musike mwanilubukela kabakala kuli niyomunsu, Kakuli nicisizwe ki lizazi. Bana ba bo ma babashimani neba ninyemezi; Banifa musebezi wa kulibelelanga masimu a veine, Kono haili simu yaka ya veine yona nenisa ilibeleli.   Wena yenilata hahulu, nitaluseze Koufulisezanga mutapi wahao,+ Koubutisezanga mutapi wahao fahalaa musihali. Kiñi zenika bela sina musali yaikwahezi lisila* kwa pata Mwahalaa mitapi ya balikani bahao?”   “Wena yomunde hahulu mwahalaa basali, haiba hauzibi, Zamaya, ulatelele mitala ya mutapi Mi ufuliseze lipulinyana zahao kwatuko ni litende za balisana.”   “Wena mulatiwa waka, nikubapanya kwa pizi ya musali* ye mwahalaa likoloi za Faro.+ 10  Malama ahao aanani likabisa* abonahala hande, Ni mulala wahao onani lifaha. 11  Luka kuezeza likabisa* za gauda Zekabisizwe ka silivera.” 12  “Mulena hanzaa inzi kwa tafule yahae ya laundi, Sende* yaka+ itahisa munko wayona omunde. 13  Ku na, wa lilato laka uswana sina mukotana wa mira+ yenunka hande, Busihu kaufela ulobala mwahalaa mazwele aka. 14  Ku na, wa lilato laka uswana sina sishañata sa simela sa hena+ Mwahalaa likota za veine za kwa Eni-gedi.”+ 15  “Bona! U yomunde, wena mulatiwa waka. Bona! U yomunde. Meeto ahao ki meeto a maiba.”+ 16  “Bona! U yomunde, wena wa lilato laka, mi wakateleha.+ Mumbeta waluna ki matali amatala. 17  Miambeso ya ndu* yaluna ki ya likota za sidare, Misumo ya situwa saluna ki ya likota za junipa.

Litaluso ze kwatasi

Kamba “pina yefita lipina kaufela.”
Linzwi ka linzwi, “Nihoholole.”
Kamba “Lukandeke.”
Fo kikuli, likalibe.
Kamba “lisila la malilo.”
Kamba “pizi yaka yamusali.”
Kamba mwendi, “a mwahalaa milili yeotilwe.”
Kamba “likabisa za kwa toho.”
Linzwi ka linzwi, “Nadi.”
Kamba “ndu yetuna.”