Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Numere 29:1-40

LITABA ZE MWAHALI

  • Litaelo ka za mwakufela linubu zeshutana-shutana (1-40)

    • Lizazi la kuliza tolombita (1-6)

    • Lizazi la Sebelezo ya Kukwahela Libi (7-11)

    • Mukiti wa Minganda (12-38)

29  “‘Mi mwa kweli yabu 7, fa lizazi lapili la kweli yeo, muswanela kuba ni mukopano okenile. Musike mwaeza musebezi ufi kamba ufi otaata.+ Ki lizazi fomuswanela kuliza tolombita.+  Mukafa nubu ya kucisa kuli itahise munko omunati* ku Jehova, ili nubu ya pohwana iliñwi, ngu yamuuna iliñwi, ni lingunyana zabaana ze 7 za silimo silisiñwi yeñwi ni yeñwi, mi kaufelaa zona libe zeiketile.  Mi mufe nubu ya bubeke ya fulaulo yenekile yelubilwe ka oli, likalulo zetaalu za tikanyo yeya halishumi mwa efa lifiwe hamoho ni poho, litikanyo zepeli zabulishumi lifiwe hamoho ni ngu yamuuna,  mi tikanyo iliñwi yabulishumi ifiwe hamoho ni ngunyana yeñwi ni yeñwi ya lingunyana zabaana ze 7.  Mi mufe pulinyana yamuuna iliñwi sina nubu ya sibi kuli kuezwe sebelezo ya kukwahela libi zamina.  Mukafa linubu zeo ka kuekeza kwa nubu ya kucisa ya ka kweli ni nubu ya bubeke+ yayona, ni nubu ya kucisa ya kamita ni nubu ya bubeke yayona,+ hamoho ni linubu za zenwiwa+ zazona, kulikana ni molifelwanga kamita, kuli litahise munko omunati,* ili nubu ya kucisa ka mulilo yeezezwa Jehova.  “‘Mi fa lizazi labulishumi la kweli yabu 7 yeo, muswanela kuba ni mukopano okenile,+ mi muswanela kubonisa kuswaba kwamina.* Hamuswaneli kueza musebezi ufi kamba ufi.+  Mi mukafa Jehova nubu ya kucisa kuli itahise munko omunati,* ili nubu ya pohwana iliñwi, ngu yamuuna iliñwi, ni lingunyana zabaana ze 7 za silimo silisiñwi yeñwi ni yeñwi, mi kaufelaa zona libe zeiketile.+  Mi mukafa nubu ya bubeke ya fulaulo yenekile yelubilwe ka oli, ili litikanyo zetaalu zabulishumi zekafiwa hamoho ni poho, litikanyo zepeli zabulishumi zekafiwa hamoho ni ngu yamuuna iliñwi, 10  ni tikanyo iliñwi yabulishumi yekafiwa hamoho ni ngunyana yeñwi ni yeñwi ya lingunyana zabaana ze 7. 11  Mi mufe pulinyana iliñwi sina nubu ya sibi, ka kuekeza kwa nubu ya sibi yekwahela libi+ ni nubu ya kucisa ya kamita ni nubu yayona ya bubeke, hamoho ni linubu zazona za zenwiwa. 12  “‘Mi fa lizazi labu 15 la kweli yabu 7, muswanela kuba ni mukopano okenile. Musike mwaeza musebezi ufi kamba ufi otaata, mi mukaezeza Jehova mukiti ka mazazi a 7.+ 13  Mi mukafa nubu ya kucisa,+ ili nubu yeezwa ka mulilo, kuli itahise munko omunati* ku Jehova, ili ya lipohwana ze 13, lingu zabaana zepeli, ni lingunyana zabaana ze 14 za silimo silisiñwi yeñwi ni yeñwi, mi kaufelaa zona libe zeiketile.+ 14  Mi mukafa nubu ya bubeke ya fulaulo yenekile yelubilwe ka oli, litikanyo zetaalu zabulishumi lifiwe hamoho ni yeñwi ni yeñwi ya lipoho ze 13, litikanyo zepeli zabulishumi lifiwe hamoho ni yeñwi ni yeñwi ya lingu zabaana zepeli, 15  mi tikanyo iliñwi yabulishumi ifiwe hamoho ni ngunyana yeñwi ni yeñwi ya lingunyana zabaana ze 14. 16  Mi mufe pulinyana iliñwi sina nubu ya sibi, ka kuekeza kwa nubu ya kucisa ya kamita, nubu yayona ya bubeke, ni nubu yayona ya zenwiwa.+ 17  “‘Mi fa lizazi labubeli, mukafa lipohwana ze 12, lingu zabaana zepeli, ni lingunyana zabaana ze 14 za silimo silisiñwi yeñwi ni yeñwi, mi kaufelaa zona libe zeiketile,+ 18  mi mufe nubu ya bubeke ni linubu za zenwiwa, mulife hamoho ni lipoho, lingu zabaana, ni lingunyana zabaana, ka palo yazona kulikana ni molifelwanga kamita. 19  Mi mufe pulinyana iliñwi sina nubu ya sibi, ka kuekeza kwa nubu ya kucisa ya kamita ni nubu yayona ya bubeke, hamoho ni linubu zazona za zenwiwa.+ 20  “‘Mi fa lizazi labulaalu, mukafa lipoho ze 11, lingu zabaana zepeli, ni lingunyana zabaana ze 14 za silimo silisiñwi yeñwi ni yeñwi, mi kaufelaa zona libe zeiketile,+ 21  mi mufe nubu ya bubeke ni linubu za zenwiwa, mulife hamoho ni lipoho, lingu zabaana, ni lingunyana zabaana, ka palo yazona kulikana ni molifelwanga kamita. 22  Mi mufe puli iliñwi sina nubu ya sibi, ka kuekeza kwa nubu ya kucisa ya kamita ni nubu yayona ya bubeke ni nubu yayona ya zenwiwa.+ 23  “‘Mi fa lizazi labune, mukafa lipoho zelishumi, lingu zabaana zepeli, ni lingunyana zabaana ze 14 za silimo silisiñwi yeñwi ni yeñwi, mi kaufelaa zona libe zeiketile,+ 24  mi mufe nubu ya bubeke ni linubu za zenwiwa, mulife hamoho ni lipoho, lingu zabaana, ni lingunyana zabaana, ka palo yazona kulikana ni molifelwanga kamita. 25  Mi mufe pulinyana iliñwi sina nubu ya sibi, ka kuekeza kwa nubu ya kucisa ya kamita, nubu yayona ya bubeke, ni nubu yayona ya zenwiwa.+ 26  “‘Mi fa lizazi labuketalizoho, mukafa lipoho ze 9, lingu zabaana zepeli, ni lingunyana zabaana ze 14 za silimo silisiñwi yeñwi ni yeñwi, mi kaufelaa zona libe zeiketile,+ 27  mi mufe nubu ya bubeke ni linubu za zenwiwa, mulife hamoho ni lipoho, lingu zabaana, ni lingunyana zabaana, ka palo yazona kulikana ni molifelwanga kamita. 28  Mi mufe puli iliñwi sina nubu ya sibi, ka kuekeza kwa nubu ya kucisa ya kamita ni nubu yayona ya bubeke ni nubu yayona ya zenwiwa.+ 29  “‘Mi fa lizazi labu 6, mukafa lipoho ze 8, lingu zabaana zepeli, ni lingunyana zabaana ze 14 za silimo silisiñwi yeñwi ni yeñwi, mi kaufelaa zona libe zeiketile,+ 30  mi mufe nubu ya bubeke ni linubu za zenwiwa, mulife hamoho ni lipoho, lingu zabaana, ni lingunyana zabaana, ka palo yazona kulikana ni molifelwanga kamita. 31  Mi mufe puli iliñwi sina nubu ya sibi, ka kuekeza kwa nubu ya kucisa ya kamita, nubu yayona ya bubeke, ni nubu yayona ya zenwiwa.+ 32  “‘Mi fa lizazi labu 7, mukafa lipoho ze 7, lingu zabaana zepeli, ni lingunyana zabaana ze 14 za silimo silisiñwi yeñwi ni yeñwi, mi kaufelaa zona libe zeiketile,+ 33  mi mufe nubu ya bubeke ni linubu za zenwiwa, mulife hamoho ni lipoho, lingu zabaana, ni lingunyana zabaana, ka palo yazona kulikana ni molifelwanga kamita. 34  Mi mufe puli iliñwi sina nubu ya sibi, ka kuekeza kwa nubu ya kucisa ya kamita, nubu yayona ya bubeke, ni nubu yayona ya zenwiwa.+ 35  “‘Fa lizazi labu 8, muswanela kuba ni mukopano oipitezi. Musike mwaeza musebezi ufi kamba ufi otaata.+ 36  Mi mukafa nubu ya kucisa, ili nubu yeezwa ka mulilo, kuli itahise munko omunati* ku Jehova, ili ya poho iliñwi, ngu yamuuna iliñwi, ni lingunyana zabaana ze 7 za silimo silisiñwi yeñwi ni yeñwi, mi kaufelaa zona libe zeiketile,+ 37  mi mufe nubu ya bubeke ni linubu za zenwiwa, mulife hamoho ni poho, ngu yamuuna, ni lingunyana zabaana, ka palo yazona kulikana ni molifelwanga kamita. 38  Mi mufe puli iliñwi sina nubu ya sibi, ka kuekeza kwa nubu ya kucisa ya kamita ni nubu yayona ya bubeke ni nubu yayona ya zenwiwa.+ 39  “‘Mukafa Jehova linubu zeo hamueza mikiti ka linako zetomilwe,+ ka kuekeza kwa linubu zamina za buitamo+ ni linubu zamina za kuitatela,+ zemufa sina linubu za kucisa+ ni linubu za bubeke+ ni linubu za zenwiwa+ ni matabelo a kuikabela.’”+ 40  Mushe abulelela Maisilaele litaba kaufela zanaa mulaezi Jehova.

Litaluso ze kwatasi

Kamba “otabisa; omunde.” Linzwi ka linzwi, “okatulusa.”
Kamba “otabisa; omunde.” Linzwi ka linzwi, “okatulusa.”
Kuswaba ko, kukona kutalusa kusaeza lika zeñwi, zekopanyeleza kuitima lico.
Kamba “otabisa; omunde.” Linzwi ka linzwi, “okatulusa.”
Kamba “otabisa; omunde.” Linzwi ka linzwi, “okatulusa.”
Kamba “otabisa; omunde.” Linzwi ka linzwi, “okatulusa.”