Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Numere 17:1-13

LITABA ZE MWAHALI

  • Mulamu wa Aruni otubuzi lipalisa uba sisupo (1-13)

17  Cwale Jehova ali ku Mushe:  “Bulela kwa Maisilaele mi uunge ku bona mulamu ulimuñwi mwa lubasi ni lubasi lwa bahandataa bona, uunge mulamu ku nduna wa mwa lubasi ni lubasi lwa bahandataa bona,+ milamu kaufela ibe ye 12. Uñole libizo la yomuñwi ni yomuñwi fa mulamu wahae.  Uswanela kuñola libizo la Aruni fa mulamu wa Livi, kakuli kunani mulamu ulimuñwi wa toho ya lubasi ni lubasi lwa bahandataa bona.  Ubeye milamu yeo mwa tende ya makopanelo fapilaa Bupaki,+ fona foniiponahalezanga ku mina.+  Mi mulamu wa mutu yenika keta+ ukatubula lipalisa, mi nikafelisa litongoko zeba nitongoka+ ka zona Maisilaele, ili zeba mitongoka ni mina.”+  Ka mukwa ocwalo, Mushe abulelela Maisilaele litaba zeo, mi manduna babona kaufela bamufa milamu—nduna ni nduna wa lubasi lwa bahandataa bona amufa mulamu, mi milamu yeo neli ye 12—mi mulamu wa Aruni neli omuñwi wa milamu yeo.  Mushe kihaa beya milamu yeo fapilaa Jehova mwa tende ya Bupaki.  Habusa, Mushe hayo kena mwa tende ya Bupaki, hamubone! mulamu wa Aruni wa ba ndu ya Livi neutubuzi, mi neushoshezi ni kutubula lipalisa mi neubeile lialumondi zebuzwize.  Mushe kihaa zwisa milamu kaufela fapilaa Jehova ni kuitisa kwa sicaba kaufela sa Isilaele. Baitalima, mi mutu ni mutu aanga mulamu wahae. 10  Cwale Jehova ali ku Mushe: “Kutiseza mulamu+ wa Aruni fapilaa Bupaki kuli ubulukwe sina sisupo+ kwa bana babali bakwenuheli,+ kuli batuhele kunitongoka ni kuli basike bashwa.” 11  Honafo Mushe aeza ka mwanaa mulaelezi Jehova. Aeza honacwalo feela. 12  Maisilaele kiha bali ku Mushe: “Cwale lukashwa, lukayunda luli, kaufelaa luna lukayunda! 13  Mutu ufi kamba ufi yakalika nihaiba feela kusutelela kwa tabernakele ya Jehova, ukashwa!+ Kikuli lushwe cwalo?”+

Litaluso ze kwatasi