Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Nahumi 3:1-19

LITABA ZE MWAHALI

  • “Bumai ki bwa muleneñi osulula mali!” (1-19)

    • Mabaka Ninive hakaatulwa (1-7)

    • Ninive ukatulwa sina No-amoni (8-12)

    • Kutulwa kwa Ninive kukaezahala luli (13-19)

3  Bumai ki bwa muleneñi osulula mali! Utezi bupumi ni busholi. Hautuheli kuhapa!   Kuutwahala lilata la sime ni lilata la mawili,Lipizi zemata ni kutulaka kwa likoloi.   Kunani bapahami ba lipizi, mikwale yemyamyata, ni malumo abenya,Kunani batu babañata bababulailwe ni mabunda a litupu—Litupu lifumaneha kai ni kai. Batu bazwelapili kusitatalela fa litupu.   Lika zeo litiswa ki likezo zeñata za buhule bwahae,Yena yalatiwa ni yakateleha, musali wa muloi,Yaswasa macaba ka buhule bwahae ni kuswasa mabasi ka buloi bwahae.   “Bona! Nakulwanisa,”* kubulela Jehova wa limpi,+“Nika kuapula sikoci sahao, nisiapese kwa pata yahao;Nikatahisa kuli macaba abone mapunu ahao,Ni kuli mibuso ibone maswabi ahao.   Mi nika kunepela lika zemasilaMi nika kueza nto yenyenyisa;Nikueze nto yekomokisa.+   Mutu kaufela yaka kubona ukasaba ku wena,+ abulele, ali:‘Ninive usinyizwe! Ki mañi yaka muutwela butuku?’ Nikafumana kai batu kuli bakuomba-ombe?   Kana ufita No-amoni,*+ muleneñi oneuli kwatuko ni maabwa a Nile?+ One upotolohilwe ki mezi;Bufumu bwaona neli liwate mi limota laona neli liwate.   Neufumana maa­ta aona amatuna kwa Etopia ni kwa Egepita. Wena neutusiwa+ ki Puti+ ni Libia. 10  Kono nihaiba yena naahapilwe;Naaisizwe mwa buhapiwa.+ Bana bahae ni bona nebatubakezwi fa likona za makululu.* Baana bahae babakutekeha nebaabilwe ka kuposa loto,Mi baa­na bahae kaufela babamaa­ta batamilwe ka mawenge. 11  Ni wena ukakolwa;+Ukayo ipata. Ukabata masabelo ka kusaba sila sahao. 12  Mileneñi yahao kaufela yesilelelizwe iswana sina likota za feiga zenani miselo yebuzwize ya mitamuno;Halinyungiwa, miselo yazona ikawela mwa milomo ya babaka ica. 13  Bona! Masole bahao baswana sina basali baba mwahalaa hao. Minyako ya naha yahao ikakwalulelwa lila zahao. Mulilo ukacisa lipakiso za kwa minyako yahao. 14  Ukelele mezi euka itusisa ka nako yeuka ambekwa!+ Utiise mileneñi yahao yesilelelizwe. Ukene mwa sileze mi uhatikele lizupa;Uswale sikombole sa litina. 15  Nihaiba kwateñi mulilo ukayo kucisa. Ukapumiwa ki mukwale.+ Uka kumiza sina moimizeza nziye+ ya bana. Mube babañata sina nziye ya bana! Ki cwalo, mube babañata sina nziye! 16  Muatisize balekisi bamina kufita linaleli za maha­limu. Nziye ya bana yaicebula mi yafufa. 17  Balibeleli bahao baswana sina nziye, Mi masole bahao baswana sina nziye yezamaya sikutu. Batibelela mwa mamota a macwe ka lizazi la silami, Kono lizazi halibenya, bafufa; Mi hakuna yaziba kobainzi. 18  Balisana bahao baozela, wena mulena wa Asiria;Baana bahao babakutekeha baikinezi mwa mandu abona. Sicaba sahao sihasanezi fa malundu,Mi hakuna yabakopanya hamoho.+ 19  Hakuna yakuimulula mwa ziyezi yahao. Sitombo sahao hasikoni kufola. Batu kaufela babautwa zahao bakakambela mazoho abona;+Kakuli ki mañi yasika nyanda kabakala situhu sahao sesisa feli?”+

Litaluso ze kwatasi

Fo kikuli, Ninive.
Fo kikuli, Tebesi.
Linzwi ka linzwi, “fa toho ya makululu kaufela.”