Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Nahumi 2:1-13

LITABA ZE MWAHALI

  • Ninive ukashandaulwa (1-13)

    • “Minyako ya linuka ikakwalululwa” (6)

2  Yashandaula utile kuto kulwanisa.*+ Ulibelele mileneñi yesilelelizwe. Ulibelele mwa nzila. Muitukiseze* mi muitusise maata amina kaufela.   Kakuli Jehova ukakutisa sinca kanya ya Jakobo, Hamohocwalo ni kanya ya Isilaele, Kakuli bashandauli babashandauzi;+ Mi basinyize mitai yabona.   Litebe za baana bahae babamaata lilombilwe bufubelu, Lindwalume zahae liapezi liapalo za bufubelu bobutibile. Likalulo za sipi za kwa likoloi zahae za ndwa limyamyata sina mulilo Ka lizazi laitukiseza ndwa, Mi malumo a liteku zeezizwe fa kota ya junipa azukuzwa.   Likoloi za ndwa limata ka lubilo lolutuna mwa makululu. Likambama ni kushetumuka mwa mapatelo. Libenya sina maboni mi limyamyata sina mamonyi a pula.   Ukabiza masole bahae. Bakasitatala habanze bataha. Bamatela kwa limota lahae; Babeya mikwalelo mwa nzila.   Minyako ya linuka ikakwalululwa, Mi ndu ya mulena ikasinyiwa.*   Kufilwe taelo, yeli: Ubeilwe fa nalela, Uisizwe, mi batanga bahae babasizana batonga; Bautwahala inge maiba habanze bainata fa lifuba.*   Mwa mazazi ahae kaufela, Ninive+ naaswana sina lisa la mezi, Kono cwale sebabaleha. “Amuyeme! Amuyeme!” Kono hakuna yakutela mwamulaho.+   Amuhape silivera, muhape gauda! Tutu haifeli. Kunani lika zende za mufuta kaufela mwateñi. 10  Muleneñi uinzi mukungulu, ufetuhile matota, ushandauzwi!+ Lipilu zabona lishengunukiswa ki sabo, mañwele abona angangama, linoka zabona liutwa butuku; Lipata zabona kaufela lisosobani. 11  Ukai musima wa litau,+ kolifepelwa litau za bana,* Koiyanga tau ni mwanaa yona, Kusina yalisabisa? 12  Tau neitataulela bana bayona lifolofolo zeñata Mi neikamela litau za basali lifolofolo. Neitaza misima yayona ka nama ya lifolofolo, Ni ka lifolofolo zetatauzwi. 13  “Bona! Nakulwanisa,” kubulela Jehova wa limpi,+ “Nikacisa likoloi zahae za ndwa mwa musi,+ Mi mukwale ukamiza litau zahao zabana.* Nikayundisa lifolofolo zeucanga fa lifasi, Mi mulumo wa linumwana zahao hausana kuutwahala hape.”+

Litaluso ze kwatasi

Fo kikuli, Ninive.
Linzwi ka linzwi, “Mutiise linoka.”
Kamba “ikawa.”
Linzwi ka linzwi, “fa lipilu.”
Kamba “litau zabana za bulizi-lizi mwa mulala.”
Kamba “litau zabana za bulizi-lizi mwa mulala.”