Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Nahumi 1:1-15

LITABA ZE MWAHALI

  • Mulimu ukutiseza lila zahae bumaswe bwazona (1-7)

    • Mulimu utokwa kulapelwa feela anosi (2)

    • Jehova walemuha bababata kusabela ku yena (7)

  • Ninive ukayundiswa (8-14)

    • Ziyezi haina kutaha lwabubeli (9)

  • Taba yende yashaelwa ka za Juda (15)

1  Ki ye katulo yekatahela Ninive:+ Buka ya pono ya Nahumi* wa kwa Elikoshi:   Jehova ki Mulimu yatokwa kulapelwa feela anosi+ mi ukutiseza batu bumaswe bwabona;Jehova ukutiseza batu bumaswe bwabona mi uitukiselize kubonisa buhali bwahae.+ Jehova ukutiseza lila zahae bumaswe bwazona,Mi ubulukela lila zahae buhali.   Jehova haakufi kuhalifa+ mi unani maa­ta ama­tuna,+Kono Jehova haa­na kutuhelela lifosi asa bafi koto yeswanela.+ Nzila yahae i mwa moya osinya ni mwa liñungwa,Mi malu ki liluli la kwa mahutu ahae.+   Ukalimela liwate,+ ni kuliomisa;Mi ukalisa linuka kaufela.+ Libaka za Bashani ni Kar­mele zaoma,+Mi lipalisa za Lebanoni zaoma.   Malundu azikinyeha fapilaa hae,Mi malundunyana ashengunuka.+ Lifasi likanyanganya kabakala pata yahae,Hamohocwalo ni naha ni babayahile mwateñi kaufela.+   Ki mañi yakayema hakabonisa buhali bwahae?+ Mi ki mañi yakatiyela kucisa kwa buhali bwahae?+ Buhali bwahae bukasuluha sina mulilo,Mi macwe akatubakeha kabakala hae.   Jehova ki yomunde,+ ki sibaka sa silelezo mwa nako ya ziyezi.+ Ulemuha* bababata masabelo ku yena.+   Ka muunda omutuna, ukayundisa sibaka sahae,*Mi lififi likandongwama lila zahae.   Mulela kuezañi kuli mulwanise Jehova? Uyundisa lika kaufela. Ziyezi haina kutaha lwabubeli.+ 10  Kakuli batatezani sina miutwa,Mi baswana sina babakozwi bucwala;* Kono bakaciswa sina mataka aomile. 11  Ku wena kukazwa yakalela zemaswe kulwanisa Jehova, Inzaa fa kelezo yesina tuso. 12  Jehova sabulela ki se, uli: “Niha nebanani maa­ta amatuna ni kuba babañata,Bakalemiwa ni kuyundiswa.* Nikuutwisize* butuku, kono hanisana kukuutwisa butuku hape. 13  Mi cwale nikaloba coko yahae, niizwise ku wena,+Mi nikapuma mawenge ahao fahali. 14  Jehova ulaezi ka zahao,* uize:‘Libizo lahao halisana kuzwelapili. Nikafelisa maswaniso a kubeta* ni maswaniso a sipi mwa ndu* ya milimu yahao. Nika kulukiseza libita, kakuli wanyenyisa.’ 15  Hamubone! Mahutu a mutu yatisa taba yende a fa malundu,Yashaela litaba za kozo.+ Ueze mikiti+ yahao, wena Juda, upete buitamo bwahao, Kakuli yasina tuso hasana kufita ku wena hape. Ukayundiselezwa.”

Litaluso ze kwatasi

Lelitalusa “Muomba-ombi.”
Kamba “Ubabalela.” Linzwi ka linzwi, “Uziba.”
Fo kikuli, sibaka sa Ninive.
Kamba “bucwala bwa buloto.”
Kamba mwendi, “mi ukafita.”
Fo kikuli, Juda.
Fo kikuli, Asiria.
Kamba “maswaniso a sipi yeshengunuzwi.”
Kamba “tempele.”