Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Muekelesia 11:1-10

LITABA ZE MWAHALI

  • Muitusise tohonolo yemunani yona (1-8)

    • Nepela sinkwa sahao fa mezi (1)

    • Cala peu yahao kakusasana kuisa manzibwana (6)

  • Muikole bunca bwamina ka nzila yeswanela (9, 10)

11  Nepela* sinkwa sahao fa mezi,+ kakuli hamulaho wa mazazi amañata ukasifumana hape.+  Ufe kabelo kwa batu ba 7 kamba mane kuba 8,+ kakuli hauzibi kozi* yekaezahala fa lifasi.  Haiba malu atezi mezi, akasululela pula fa lifasi; mi haiba kota iwela kwa neku la mboela kamba kwa neku la mutulo, mwa sibaka moiwela ki mona moika namalalela.  Yatalima moya haana kucala peu, mi yatalima malu haana kukutula.+  Sina hausa zibi mousebeleza moya mwa masapo a mbututu ye mwa mba* ya musali yaitwezi,+ hauzibi musebezi wa Mulimu wa niti, yaeza lika kaufela.+  Cala peu yahao kakusasana, mi lizoho lahao lisike lapumula kuisa manzibwana;+ kakuli hauzibi kuli ki peu ifi yekakonda, mwendi ki ye kamba yani, kamba mwendi bubeli bwazona likamela.  Liseli ki lelinde, mi ki nto yende meeto habona lizazi.  Kakuli haiba mutu apila lilimo zeñata, aikole zona kaufela.+ Kono ahupule kuli mazazi a lififi akona kuba amañata; zekataha kaufela halina tuso.+  Wena mutangana, utabe hausali yomunca, mi pilu yahao iwabelwe mwa mazazi a bunca bwahao. Ulatelele linzila za pilu yahao mi uye kwa kulibisa meeto ahao; kono uzibe kuli Mulimu wa niti uka kuatula* kabakala lika zeo kaufela.+ 10  Kabakaleo, uzwise lika zekukataza mwa pilu yahao, mi utibele lika zeholofaza kusutelela kwa mubili* wahao, kakuli bunca ni bwanana halina tuso.+

Litaluso ze kwatasi

Kamba “Lumela.”
Kamba “ziyezi.”
Linzwi ka linzwi, “masapo a mwa mba.”
Kamba “uka kuzekisa.”
Linzwi ka linzwi, “nama.”