Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Muekelesia 1:1-18

LITABA ZE MWAHALI

  • Lika kaufela halina tuso (1-11)

    • Lifasi liina kuya kuile (4)

    • Lika zekonisa bupilo mwa lifasi likazwelapili kubateñi (5-7)

    • Hakuna nto yenca mwatasaa lizazi (9)

  • Butali bwa batu ki bwa makutelakaufi (12-18)

    • Ki kumatisa moya (14)

1  Manzwi a mubuleli,*+ mwanaa Davida, mulena wa mwa Jerusalema.+   Mubuleli uli: “Halina tuso!*Halina tuso! Lika kaufela halina tuso!”+   Mutu ufumanañi kwa musebezi wahae kaufela otaataWaikataza kueza mwatasaa lizazi?+   Lusika loluñwi lwaya, mi lusika loluñwi lwataha,Kono lifasi liina* kuya ­kuile.+   Lizazi lapazula,* mi lizazi lalikela;Kihona liakufela kukuta* kwa sibaka koliyo pazulela hape.+   Moya uya kwa mboela mi ufuka inze upotoloha kuliba kwa mutulo;Uzwelapili kupotoloha-potoloha; moya uzwelapili kufuka ka mipotoloho yaona.   Linukana* kamukana libubela mwa liwate, kono liwate halitali.+Linukana likutela kwa sibaka kone likalezi kububa kuli liyo kala kububa hape.+   Lika kaufela zakatalisa;Hakuna yakona nihaiba kulitalusa. Liito halikuliswi ki zelibona;Mi ni zebe haikuliswi ki zeiutwa.   Zebile teñi ki zona zekaba teñi,Mi zeseezizwe likaezwa hape;Hakuna nto yenca mwatasaa lizazi.+ 10  Kana kunani nto yakona kubulela mutu kuli: “Hamubone nto ye—ki yenca”? Ibile teñi kuzwa kale ko; Ibile teñi linako zaluna lisika fita kale. 11  Hakuna yahupula batu ba mwa linako za kwamulaho;Mi hakuna yakahupula babaka pila kwapili;Mi ni bona habana kuhupulwa ki babaka pila mwamulaho wabona.+ 12  Na, mubuleli, nenili mulena wa Isilaele mwa Jerusalema.+ 13  Neniisize pilu yaka kwa kuituta ni kubatisisa ka butali+ lika kaufela zeezizwe mwatasaa mahalimu+—ili misebezi yekataza yafile Mulimu kwa bana ba batu, yebapatehisa. 14  Nabona misebezi kaufela yeneezwa mwatasaa lizazi,Mi hamubone! lika kaufela nelisina tuso, neli kumatisa moya.+ 15  Sesikopami hasikoni kuotololwa, Mi sesisiyo hasikoni kubaliwa. 16  Kiha niipulelela mwa pilu, nali: “Bona! Niipumanezi butali bobutuna, kufita mutu ufi kamba ufi yanaa liteñi pili ku na mwa Jerusalema,+ mi pilu yaka yaipumanela butali bobutuna ni zibo yetuna.”+ 17  Naisa pilu yaka kwa kuziba butali ni kuziba bupulumuki* ni kuziba butoto,+ mi ni zona zeo ki kumatisa moya. 18  Kakuli kuba ni butali bobutuna kwazwafisa,Mi mutu kaufela yaekeza kwa zibo uekeza ni kwa butuku.+

Litaluso ze kwatasi

Kamba “yakopanya batu; yaputa sicaba.”
Kamba “Ki za mbango.”
Linzwi ka linzwi, “liyemi.”
Kamba “labenya.”
Kamba “likuta linze libuyana kuya.”
Kamba “Linukana zebanga teñi ka nako ya maliha; Linukana zebanga teñi ka linako zeñwi.”
Kamba “bukuba bobutuna hahulu.”