Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Mika 6:1-16

LITABA ZE MWAHALI

  • Mulimu uzekisa Isilaele (1-5)

  • Ki sika mañi satokwa Jehova? (6-8)

    • Kueza sesilukile, kusepahala, buikokobezo (8)

  • Mulatu wa Isilaele ni koto yahae (9-16)

6  Hamuutwe zabulela Jehova. Hamuyeme, mutise muzeko wamina fapilaa malundu,Mi malundunyana autwe linzwi lamina.+   Mina malundu, hamuutwe muzeko wa Jehova,Mina mitomo yetiile ya lifasi,+Kakuli Jehova uzekisa batu bahae;Ukazekisa Isilaele,+ ali:   “Mina sicaba saka, ki sika mañi seni mifoselize? Nimi katalize cwañi?+ Hamufe bupaki bwamina.   Kakuli neni mizwisize mwa naha ya Egepita,+Neni miliuluzi, ni kumizwisa mwa ndu ya butanga;+Neni milumezi Mushe, Aruni, ni Miriame.+   Mina sicaba saka, hamuhupule sanaalelile kueza Mulena Balaki wa Moabi,+Ni mwanaa mualabezi Balaami mwanaa Beori+—Zeneezahezi kuzwa kwa Shitimi+ kuyo fita kwa Giligali+Kuli muzibe likezo zelukile za Jehova.”   Nikataha niñi fapilaa Jehova? Nikato kubama niñi fapilaa Mulimu yapahami? Kana nikataha fapilaa hae ni linubu za kucisa zefiwa mutumbi,Ni manamani a silimo silisiñwi?+   Kana Jehova ukatabiswa ki lingu za baa­na zeeza likiti-kiti,Kana ukatabiswa ki oli ye ñata-ñata?+ Kana nikafa mwanaka wa mweli kabakala bukwenuheli bwaka,Nife muselo wa mubili waka kabakala sibi saka?+   Wena mutu, ukubulelezi sesinde. Mi ki sika mañi satokwa* Jehova ku wena? Satokwa feela kikuli ueze sesilukile,*+ ulate busepahali,+Ni kuli uzamaye ka buikokobezo+ ni Mulimu wahao!+   Linzwi la Jehova lihuweleza mwa muleneñi;Babanani butali bakasaba libizo lahao. Muise pilu kwa tupa ni ku yaiketile.+ 10  Kana kusanani maluwo a bumaswe mwa ndu ya babamasweNi tikanyo ya efa* yesika talelela yenyenyisa? 11  Kana nakona kuba yakenile* ka likala zemaswe,Ka mukotana wa macwe a kuweitisa a bupumi?+ 12  Kakuli bafumi bahae batezi mifilifili,Mi babayahile mwateñi babulela buhata;+Lulimi lwa mwa milomo yabona lubulela litaba za buhata.+ 13  “Kabakaleo, nika miholofaza ka kuminata,+Nimieze matota kabakala libi zamina. 14  Mukaca kono hamuna kukula;Mba yamina ikaba mukungulu.+ Mukaa­nga lika kuli muipulukele zona, kono hamuna kulibuluka,Mi nikatahisa kuli zemushimba lisinyiwe ka mukwale. 15  Mukacala peu, kono hamuna kukutula. Mukahatikela miselo ya olive, kono hamuna kuitusisa oli yayona;Mi mukaeza waine yenca, kono hamuna kunwa waine.+ 16  Kakuli mumamela milao ya Omiri ni misebezi kaufela ya ba ndu ya ­Akabe,+Mi muzamaya ka kulatelela likelezo zabona. Kabakaleo, nikatahisa kuli batu babaka mibona basabeMi babayahile mwateñi bakaliza miloli+ kumisheununa;Mi macaba aka mishu­bula.”+

Litaluso ze kwatasi

Kamba “sakupa.”
Kamba “ube ni katulo yelukile; utokwe sobozi.”
Kamba “kutokwa mulatu.”