Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Mika 4:1-13

LITABA ZE MWAHALI

  • Lilundu la Jehova likapahamiswa (1-5)

    • Mikwale ikaezwa malimi a likekele (3)

    • “Luna lukazamaya ka libizo la Jehova” (5)

  • Sione yayahilwe sinca ukatiiswa (6-13)

4  Kwa mafelelezo a mazazi,*Lilundu la ndu ya Jehova+Likatomwa ka kutiya fahalimwaa malundu,Mi likapahamiswa fahalimwaa tulundu,Mi macaba akaya kwateñi ka buñata.+   Mi batu babañata bakaya inze bali: “Hamutahe, lukambamele kwa lilundu la JehovaNi kwa ndu ya Mulimu wa Jakobo.+ Uka luluta linzila zahae,Mi lukazamaya mwa linzila zahae.” Kakuli mulao* ukazwa mwa Sione,Mi linzwi la Jehova likazwa mwa Jerusalema.   Ukaatula mwahalaa macaba amañata+Ni kulukisa* litaba mwahalaa macaba amaa­ta akwahule. Bakatula mikwale yabona kuieza malimi a likekeleMi bakatula malumo abona kuaeza licekesi.+ Sicaba hasina kulwanisa sicaba sesiñwi ka mukwale,Mi habasana kuituta ndwa.+   Bakaina,* yomuñwi ni yomuñwi mwatasaa kota yahae ya veine ni mwatasaa kota yahae ya ­feiga,+Mi hakuna yaka basabisa,+Kakuli Jehova wa limpi ki yena yabulezi cwalo.   Kakuli macaba kaufela akazamaya, sesiñwi ni sesiñwi ka libizo la mulimu wasona,Kono luna lukazamaya ka libizo la Jehova Mulimu+ waluna kamita ni kuya kuile.   “Ka lizazi leo,” kubulela Jehova,“Nikakopanya bane ba­toza,*Ni kukubukanya bane bahasanyizwe,+Hamoho ni bane niezize maswe.   Nikatahisa kuli yanaatoza* abe masiyaleti,+Ni kuli yalelekezwi kwahule afetuhe sicaba sesimaa­ta;+Mi Jehova ukabusa sina mulenaa bona fa Lilundu la Sione,Kuzwa cwale ni kuya kuile.   Haili wena tawala ya mutapi,Wena mulunda wa mwanaa Sione+ wamusizana,Bulena bukataha ku wena, ki cwalo luli, bulena bwapili* buka­taha,+ Ona mubuso wa mwanaa Jerusalema wamusi­zana.+   Cwale kiñi hauhuwa hahulu cwalo? Kana hauna mulena,Kamba kana muelezi wahao ushwile,Kuli mane wena uswelwi ki butuku bobuswana ni bwa musali yapepa?+ 10  Uutwe butuku mi utonge, wena mwanaa Sione wamusizana,Sina musali yapepa,Kakuli cwale ukazwa mwa muleneñi ni kuyo ina mwa naheñi. Ukayo fita ni kwa Babi­lona,+Mi ukayo lukululelwa kwateñi;+Jehova ukayo kuleka sinca kwateñi, akuzwise mwa mazoho a lila zahao.+ 11  Cwale macaba amañata akakubukana kukulwanisa;Akali: ‘Asilafazwe,Mi meeto aluna aiponele taba yeo inze iezahala mwa Sione.’ 12  Kono habazibi mihupulo ya Jehova, Habautwisisi mulelo* wahae;Kakuli uka bakubukanya sina libunda la bubeke bobusazo kutulwa bobuiswa fa mapulelo. 13  Wena mwanaa Sione wamusizana, zuha mi upule bubeke;+Kakuli nikafetula manaka ahao kuaeza sipi,Mi nikafetula litaku zahao kulieza kopa,Mi ukatubaka macaba amañata.+ Lika zabona zebafumani ka kusasepahala ukalifa Jehova,Mi ukafa maluwo abona ku Mulena waniti wa lifasi kaufela.”+

Litaluso ze kwatasi

Kamba “Mwa mazazi a maungulelo.”
Kamba “tuto.”
Kamba “kuhakulula.”
Kamba “Bakapila.”
Linzwi ka linzwi, “musali yanaatoza.”
Linzwi ka linzwi, “musali yanaatoza.”
Kamba “bwa makalelo.”
Kamba “kelezo.”