Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Mika 2:1-13

LITABA ZE MWAHALI

  • Bumai ki bwa babahatelela batu! (1-11)

  • Maisilaele bakubukanywa ni kupiliswa hamoho (12, 13)

    • Batu bakataza lilata mwa naha (12)

2  “Bumai ki bwa babalela kueza zemaswe, Babalela zemaswe fa mimbeta yabona! Nako ya kakusasana haifita, baeza bumaswe, Kakuli mazoho abona anani maata a kueza bumaswe.+   Balakaza masimu mi baikungela ona;+ Mi hape balakaza mandu, ni kuikungela ona; Baamuha mutu ndu yahae ka bupumi,+ Ni kuamuha mutu saanda sahae.   Kabakaleo, Jehova sabulela ki se, uli: ‘Hamubone, nilela kutahiseza lubasi lo ziyezi+ yemusike mwa banduka* ku yona.+ Hamusana kuzamaya ka kuikuhumusa,+ kakuli ki nako ya ziyezi.+   Ka lizazi leo, batu bakabulela lishitanguti le ka za mina, Mi baka milila hahulu.+ Bakali: “Luziyelehile luli!+ Ufile saanda sa sicaba saka kwa sicaba sisili—usizwisize ku na!+ Ufa masimu aluna ku babasa sepahali.”   Kabakaleo, hakuna yaka miotololela muhala wa kumishalisa, Kuli aabe naha mwa puteho ya Jehova.   Bakutaza, bali: “Mutuhele kukutaza, Basike bakutaza litaba zeo; Haluna kukokobezwa!”   Mina ba ndu ya Jakobo, kana muli: “Kikuli Jehova haasana pilu-telele? Kana ze ki likezo zahae?” Kana manzwi aka hatahisi zende kwa batu babalukile?   Kono cwanoñu fa, sicaba saka sifetuhile sila saka. Muzwisa kabisa yende hahulu fa siapalo sabona Ku babazamaya ka buikolwiso, sina babazwa kwa ndwa.   Muleleka basali ba sicaba saka mwa mandu abona abuheha; Muamuha bana babona kanya yaka kuya kuile. 10  Hamuyeme, muzamaye, kakuli se haki sibaka sa mapumulelo. Kabakala masila,+ kunani sinyeho, ili sinyeho yetuna.+ 11  Haiba mutu andongwama moya ni bupumi mi abulela taba ya buhata ye: “Nika mikutaza ka za waine ni bucwala,” Fohe ukaba feela mukutazi wa sicaba se!+ 12  Wena Jakobo, nika mikubukanya kaufelaa mina; Nikakopanya hamoho bo masiyaleti ba Isilaele.+ Nika bapilisa hamoho, sina lingu ze mwa mulaka, Sina mutapi o mwa mafulisezo aona;+ Kwateñi, batu bakataza lilata.’+ 13  Yakapunya limota ibe yena yaka baetelela; Bakapunya ni kufita mwa munyako ni kuzwela mwateñi.+ Mulenaa bona uka bazamaya kwapili, Mi Jehova ki yena yakaba kwapilaa bona.”+

Litaluso ze kwatasi

Linzwi ka linzwi, “yemusike mwazwisa milala yamina.”