Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Malilo 5:1-22

LITABA ZE MWAHALI

  • Batu balapela kuli bakutisezwe kwa naha yabona

    • “Uhupule zeelutahezi” (1)

    • ‘Lunani bumai; luezize sibi’ (16)

    • ‘Ulukutiseze ku wena, Wena Jehova’ (21)

    • “Uuncafaze mazazi aluna” (21)

5  Wena Jehova, uhupule zeelutahezi. Utalime mi ubone maswabi aluna.+   Saanda saluna sifilwe kwa batu basili, mandu aluna afilwe kwa bazwahule.+   Lufetuhile lindiala zesina ndataa zona; bo maa luna baswana sina limbelwa.+   Kuli lunwe mezi aluna haisi kualifela,+ mi likota zaluna lunani kulileka.   Baba lundongwami batuha baluswala;Lukatezi, kono halufiwi pumulo.+   Luotololela lizoho laluna ku Egepita+ ni Asiria,+ kuli lufumane sico sesilikani.   Bo kuku waluna bane baezize sibi habasa liyo, kono luna ki luna babanyanda kabakala bufosi bwabona.   Selubusiwa ki batanga; hakuna yaka lulamulela mwa mazoho abona.   Lufumana sico ka kubeya bupilo* bwaluna mwa lubeta,+ kabakala mukwale o mwa lihalaupa. 10  Litalo laluna selicisa sina liyekuyeku la mulilo, kabakala tala yetuna.+ 11  Bashubuzi* basali babanyezwi ba mwa Sione, ni balyanjo ba mwa mileneñi ya Juda.+ 12  Manduna nebapahekilwe ka kutamelelwa kwa mazoho,+ mi baa­na-bahulu nebasika fiwa likute.+ 13  Micaha balwala sibelelo, mi bashimani basitataliswa ki mañata a likota zebalwezi. 14  Baana-bahulu habasa ina kwa munyako wa muleneñi;+ micaha habasa liza lipina zabona.+ 15  Tabo ifelile mwa lipilu zaluna; kubina kwaluna kufetuhile kulila.+ 16  Kuwani ya bulena iwile kwa litoho zaluna. Lunani bumai kakuli luezize sibi! 17  Pilu yaluna yakula kabakala zeo,+Mi meeto aluna haasabona hande kabakala zeo,+ 18  Bakeñisa kuli Lilundu la Sione selili matota;+ mawawa seaizamaela fateñi. 19  Haili wena Jehova, uinzi fa lubona lwahao kuya kuile. Lubona lwahao ki lwa mwa masika kaufela.+ 20  Kiñi hau lulibala kuya kuile ni kuluyubeka ka nako yetelele hahulu?+ 21  Wena Jehova, ulukutiseze ku wena, mi lukakutela ku wena ka kuitatela.+ Uuncafaze mazazi aluna, abe sina a kwamulaho.+ 22  Kono uluhanile kuluhanelelela. Usa lunyemezi hahulu.+

Litaluso ze kwatasi

Kamba “moyo.”
Kamba “Basweli likalala.”