Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Malaki 4:1-6

LITABA ZE MWAHALI

  • Kutaha kwa Elia pili lizazi la Jehova lisika taha kale (1-6)

    • “Lizazi la kuluka lika mibenyeza” (2)

4  “Kakuli hamubone! Lizazi lataha, lelicisa sina liyekuyeku la mulilo,+ muta babaikuhumusa kaufela ni batu kaufela babaeza zemaswe bakaba sina bucwañi. Kaniti lizazi lelitaha lika bayundisa,” kubulela Jehova wa limpi, “mi halina kubasiyela mubisi kamba mutai.  Kono mina babakuteka* libizo laka, lizazi la kuluka lika mibenyeza, lelifolisa ka mataaseli* alona; mi mukatakisa sina manamani anunisizwe.”  “Mi mukahatikela babamaswe ka mahutu amina, kakuli bakaswana sina liluli leli kwatasaa mahutu amina, mwa lizazi lenika nga muhato,” kubulela Jehova wa limpi.  “Muhupule Mulao wa mutangaaka Mushe, litaelo ni likatulo zene nifile fa Horebe kuli Maisilaele kaufela balimamele.+  “Hamubone! Nimilumela mupolofita Elia+ pili lizazi la Jehova lelituna ni lelisabisa lisika taha kale.+  Mi ukakutisa lipilu za bo ndate-bana kwa bana babona,+ ni kukutisa lipilu za bana ku bo ndataa bona, kuli nisike nataha kuto nata lifasi, kuliyundisa.”

Litaluso ze kwatasi

Linzwi ka linzwi, “babasaba.”
Linzwi ka linzwi, “mafufa.”