Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Malaki 3:1-18

LITABA ZE MWAHALI

  • Mulena wa niti utaha kuto kenisa tempele (1-5)

    • Numwana wa tumelelano (1)

  • Kususueza batu kuli bakutele ku Jehova (6-12)

    • Jehova hacinci (6)

    • “Hamukutele ku na, mi ni na nikakutela ku mina” (7)

    • ‘Hamutise zabulishumi kaufela, mi Jehova uka misululela limbuyoti’ (10)

  • Yalukile ni yamaswe (13-18)

    • Buka ya kupulo yañolwa fapilaa Mulimu (16)

    • Fapahano ye mwahalaa yalukile ni yamaswe (18)

3  “Hamubone! Niluma numwana waka, mi ukalukisa nzila fapilaa ka.+ Mi ka sipundumukela, Mulena wa niti, yena yemusweli kubata, ukataha kwa tempele yahae;+ mi numwana wa tumelelano ukataha, yena yemulata. Hamubone! Ukataha luli,” kubulela Jehova wa limpi.  “Kono ki mañi yakatiyela lizazi lakutaha kwahae, mi ki mañi yakayema hakabonahala? Kakuli ukaswana sina mulilo wa mukenisi wa lisipi ni sina mulola+ wa batapisi ba liapalo.  Mi ukaina inzaa kenisa ni kutwekisa silivera+ mi ukakenisa bana ba Livi; uka bakenisa sina gauda ni silivera, mi kaniti ku Jehova bakaba batu babafa nubu ka kuluka.  Mi nubu ya Juda ni ya Jerusalema kaniti ikatabisa Jehova, sina mwa mazazi a kwakale ni mwa lilimo za kale-kale.+  “Mi nika misutelela kuli nimiatule, mi nikaakufela kufa bupaki bwa kulwanisa baloi,+ babuki, babakonka ka buhata,+ babaputelela mubeleki,+ mbelwa, ni mwana yasina ndatahe,*+ ni babahana kutusa* muzwahule.+ Bao habasika nisaba,” kubulela Jehova wa limpi.  “Kakuli ki na Jehova; hanicinci.*+ Mi mina mu bana ba Jakobo; hamusika fela kale.  Kuzwa mwa mazazi a bo kuku wamina mukeluhile mwa litaelo zaka mi hamusika limamela.+ Hamukutele ku na, mi ni na nikakutela ku mina,”+ kubulela Jehova wa limpi. Kono muli: “Lukakuta cwañi?”  “Kana mutu wakona kubukula Mulimu? Kono mina musweli kunibukula.” Mi muli: “Lukubukuzi cwañi?” “Munibukuzi mwa taba ya zabulishumi ni ya linubu.  Kaniti mukutilwe,* kakuli musweli kunibukula—ki cwalo, sicaba kaufela sieza cwalo. 10  Hamutise zabulishumi kaufela mwa ndu ya mabulukelo,+ kuli kube ni lico mwa ndu yaka;+ mi shangwe, munilike mwa taba ye,” kubulela Jehova wa limpi, “mi mubone haiba hanina kumitibululela mahaulo a lihalimu+ ni kumisululela limbuyoti kufitela kutokwa semutaelezwi.”+ 11  “Mi nikakalimela nziye,* mi haina kusinya zebeiwa ki naha yamina, mi likota za veine za mwa masimu amina halina kupalelwa kubeya miselo,”+ kubulela Jehova wa limpi. 12  “Macaba kaufela aka mibiza babatabile,+ kakuli mukaba naha yetabisa,” kubulela Jehova wa limpi. 13  “Mubulezi manzwi atiile a kunilwanisa,” kubulela Jehova. Mi muli: “Lubulezi cwañi zekulwanisa mwahalaa luna?”+ 14  “Muli: ‘Kusebeleza Mulimu hakutusi sesiñwi.+ Lufumani tuso mañi ka kupeta zene luitamile ku yena ni ka kuzamaya fapilaa Jehova wa limpi inze luswabile? 15  Mi cwale luunga batu babaikuhumusa kuli batabile. Hape batu babaeza zemaswe bakondisa zabona.+ Habasabi kulika Mulimu mi habafiwi koto.’” 16  Ka nako yeo, babasaba Jehova babulelisana, mutu ni mutu ni mulikanaa hae, mi Jehova naanzaa utwa ni kuteeleza. Mi buka ya kupulo yañolwa fapilaa hae,+ yañolelwa babasaba Jehova ni babakengeyela* libizo lahae.+ 17  “Mi bakaba batu baka,”+ kubulela Jehova wa limpi, “mwa lizazi lenika tahisa sicaba saka tota.*+ Nika babonisa mukekecima, sina mutu habonisa mukekecima ku mwanaa hae yamusebeleza.+ 18  Mi hape mukabona fapahano ye mwahalaa mutu yalukile ni mutu yamaswe,+ mwahalaa mutu yasebeleza Mulimu ni yasa musebelezi.”

Litaluso ze kwatasi

Kamba “ndiala.”
Kamba “babahatelela litukelo za.”
Kamba “hanisika cinca.”
Kamba mwendi, “Musweli kunikuta.”
Kubonahala kuli kutaluswa likokwani zefiwa sina likoto.
Kamba “babanahana za.” Kamba mwendi, “babaitebuha.”
Kamba “liluwo laka la butokwa.”