Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Livitike 2:1-16

LITABA ZE MWAHALI

  • Nubu ya bubeke (1-16)

2  “‘Cwale haiba mutu ufa Jehova nubu ya bubeke,+ nubu yahae iswanela kuba ya fulaulo yenekile, uswanela kuisela oli ni kuibeya insense yesweu.+  Mi uswanela kutisa nubu yeo kwa bana ba Aruni, bona baprisita, mi muprisita uswanela kuñwata fateñi lizoho lelitezi la fulaulo yenekile ni oli ni insense yayona kaufela yesweu, mi ukatushanisa nubu yeo fa aletare sina nubu ya kupuliso,+ yona nubu yeciswa ka mulilo ya munko omunati* ku Jehova.  Sesisiyezi kaufela kwa nubu ya bubeke ki sa Aruni ni bana bahae+ kakuli ki nto yekenile hahulu+ yezwa kwa linubu za Jehova zeciswa ka mulilo.  “‘Haiba utisa nubu ya bubeke bobubesizwe mwa oveni, iswanela kuba ya fulaulo yenekile, ya linkwa za laundi zenani lisuba fahali zesika ya mumela zelubilwe ka oli, kamba ya mañende amasisani asika ya mumela, alambilwe oli.+  “‘Haiba nubu yahao ki nubu ya bubeke bobubeselizwe fa libesezo,+ iswanela kuba ya fulaulo yenekile yesika ya mumela yelubilwe ka oli.  Iswanela kulobakiwa buemba-emba, mi uswanela kuisela oli.+ Ki nubu ya bubeke.  “‘Haiba nubu yahao ki nubu ya bubeke bobulukiselizwe fa pani, iswanela kuezwa ka fulaulo yenekile ni ka oli.  Uswanela kutiseza Jehova nubu ya bubeke yeezizwe ka lika zeo, mi ikatiswa ku muprisita, yaka itisa fakaufi ni aletare.  Mi muprisita ukaanga kalulo yeñwi ya nubu ya bubeke yeo ni kuieza nubu ya kupuliso+ mi uka itushanisa fa aletare sina nubu yeciswa ka mulilo, ya munko omunati* ku Jehova.+ 10  Sesisiyezi kwa nubu ya bubeke ki sa Aruni ni bana bahae kakuli ki nto yekenile hahulu ya linubu za Jehova zeciswa ka mulilo.+ 11  “‘Nubu kaufela ya bubeke yemutiseza Jehova haiswaneli kubeiwa mumela,+ kakuli hamuswaneli kutushanisa mumela kamba linosi sina nubu yecisezwa Jehova ka mulilo. 12  “‘Mwakona kulitiseza Jehova sina nubu ya mitamuno,+ kono haliswaneli kucisiwa fa aletare sina nubu ya munko omunati.* 13  “‘Nubu kaufela ya bubeke yeueza iswanela kulungiwa lizwai; mi kwa nubu yahao ya bubeke hauswaneli kulibala kubeya kwateñi lizwai leli kuhupulisa tumelelano yahao ni Mulimu. Nubu kaufela yeueza ilungiwe lizwai.+ 14  “‘Haiba ufa Jehova nubu ya bubeke bwa mitamuno, uswanela kufa bubeke bobunca* bobubesizwe ka mulilo, bubeke bobunca bobusitilwe bobusika neka, sina nubu ya bubeke bwa mitamuno.+ 15  Uswanela kubeya oli ni insense yesweu fahalimwaa yona. Ki nubu ya bubeke. 16  Muprisita uka itushanisa sina nubu ya kupuliso,+ fo kikuli, ukatushanisa kalulo yeñwi ya bubeke bobusitilwe bobusika neka ni oli hamoho ni insense yayona yesweu kaufelaa yona; uka ifa sina nubu yecisezwa Jehova ka mulilo.

Litaluso ze kwatasi

Kamba “otabisa; omunde.” Linzwi ka linzwi, “okatulusa.”
Kamba “otabisa; omunde.” Linzwi ka linzwi, “okatulusa.”
Kamba “otabisa; omunde.” Linzwi ka linzwi, “okatulusa.”
Kamba “kufa makunka aasika buzwa.”