Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Livitike 1:1-17

LITABA ZE MWAHALI

  • Nubu ya kucisa (1-17)

1  Mi Jehova abiza Mushe mi abulela ku yena inzaa li mwa tende ya makopanelo,+ ali:  “Bulelela Maisilaele,* uli: ‘Yomuñwi wamina habata kufa Jehova nubu ya limunanu, uswanela kuunga nubu yeo kwa likomu zahae, kwa lingu zahae, kamba kwa lipuli zahae.+  “‘Haiba nubu yahae ki nubu ya kucisa yezwa mwa mutapi wa likomu zahae, uswanela kuunga poho yeiketile.+ Uswanela kuitisa ka kulata kwahae+ fapilaa Jehova kwa munyako wa tende ya makopanelo.  Abeye lizoho lahae fahalimwaa toho ya nubu yeo ya kucisa, mi ikaamuhelwa kuli libi zahae likwahelwe.  “‘Mi pohwana yeo iswanelwa kubulaelwa fapilaa Jehova, mi bana babashimani ba Aruni, bona baprisita,+ bakatisa mali ayona ni kuto asasa kwa maneku kaufela a aletare+ ye kwa munyako wa tende ya makopanelo.  Nubu ya kucisa yeo iswanelwa kubuiwa ni kupumakiwa litunula-tunula.+  Bana ba Aruni, bona baprisita, baswanela kubeya mulilo fa aletare+ ni kulukisa likota fa mulilo.  Bana ba Aruni, bona baprisita, bakabaakanya litunula za nubu+ zeo hamoho ni toho ni lisuzo* fa likota ze fa mulilo o fa aletare.  Mala ayona ni litaku* zayona likatapiswa ka mezi, mi muprisita uswanela kuitushanisa kaufelaa yona fa aletare sina nubu ya kucisa, yona nubu yeciswa ka mulilo ya munko omunati* ku Jehova.+ 10  “‘Haiba nubu yahae ya kucisa izwa mwa mutapi,+ kwa lingunyana zabaana kamba kwa lipuli, uswanela kuunga yamuuna yeiketile.+ 11  Iswanela kubulaelwa fapilaa Jehova kwa neku la mutulo wa aletare, mi bana ba Aruni, bona baprisita, bakasasa mali ayona kwa maneku kaufela a aletare.+ 12  Iswanela kupumakiwa litunula-tunula, mi muprisita uka libaakanya hamoho ni toho yayona ni lisuzo* layona fa likota ze fa mulilo o fa aletare. 13  Mala ni litaku zayona likatapiswa ka mezi, mi muprisita uswanela kuitisa kaufelaa yona ni kuitushanisa fa aletare. Ki nubu ya kucisa, yona nubu yeciswa ka mulilo ya munko omunati* ku Jehova. 14  “‘Kono haiba mutu ufa linyunywani sina nubu ya kucisa ku Jehova, uswanela kuunga nubu yeo kwa maiba kamba kwa linkwilimba zabana.+ 15  Muprisita uka itisa fa aletare, aipume toho, ni kuitushanisa fa aletare, kono mali ayona aswanela kulotisezwa kwa neku leliñwi la aletare. 16  Uswanela kuzwisa suyelo sayona ni mafufa ayona mi alilatele kwatuko a aletare, kwa neku la upa, kokuyumbelwanga mufuse.*+ 17  Uka ipazula fahali fa makopanelo a mafufa asaikauhanyi kuba liemba zepeli. Mi muprisita uka itushanisa fa aletare fa likota ze fa mulilo. Ki nubu ya kucisa, yona nubu yeciswa ka mulilo ya munko omunati* ku Jehova.

Litaluso ze kwatasi

Linzwi ka linzwi, “bana ba Isilaele.”
Kamba “mafula a kwa lipio.”
Fo ki kutalusa mahutu, kukalela mwa mañwele kuisa kwatasi.
Kamba “otabisa; omunde.” Linzwi ka linzwi, “okatulusa.”
Kamba “mafula a kwa lipio.”
Kamba “otabisa; omunde.” Linzwi ka linzwi, “okatulusa.”
Kamba “mufuse wa mafula,” fo kikuli, mufuse okolobisizwe ki mafula a matabelo.
Kamba “otabisa; omunde.” Linzwi ka linzwi, “okatulusa.”