Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lisamu 99:1-9

LITABA ZE MWAHALI

  • Jehova, ki Mulena yakenile

    • Uinzi mwa lubona fahalimwaa likerubimi (1)

    • Mulimu yaswalela ni yafa koto (8)

99  Jehova seli Mulena.+ Macaba angangame. Uinzi mwa lubona fahalimwaa* likerubimi.+ Lifasi linyanganye.   Jehova ki yomutuna mwa Sione, Mi u fahalimwaa macaba kaufela.+   Balumbeke libizo lahao lelituna,+ Kakuli lasabisa mi likenile.   Ki mulena yamaata yalata katulo yelukile.+ Ki wena yatiisize sesilukile. Ki wena yatahisize katulo yelukile+ ni kuluka mwa Jakobo.   Mububeke Jehova Mulimu waluna+ mi mukubame* fapilaa sipula sa mahutu ahae;+ Ki yakenile.+   Mushe ni Aruni neeli babañwi ba baprisita bahae,+ Mi Samuele neeli yomuñwi wa bane babiza fa libizo lahae.+ Nebahuwelezanga ku Jehova, Mi naabaalabanga.+   Naabulelanga ni bona kuzwelela mwa lilu leliyemi nonga.+ Nebamamezi likupuliso zahae ni taelo yanaa bafile.+   Wena Jehova Mulimu waluna, neu baalabile.+ Neuli Mulimu yanaa baswalezi,+ Kono neu bafile koto* kabakala libi zabona.+   Mububeke Jehova Mulimu waluna+ Mi mukubame* fapilaa lilundu lahae lelikenile,+ Kakuli Jehova Mulimu waluna ki yakenile.+

Litaluso ze kwatasi

Kamba mwendi, “mwahalaa.”
Kamba “mulapele.”
Linzwi ka linzwi, “neu bakutiselize bumaswe.”
Kamba “mulapele.”