Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 98:1-9

LITABA ZE MWAHALI

  • Jehova, ki Mupilisi ni Muatuli yaatula ka kuluka

    • Kupilisa kwa Jehova kuzibahalizwe (2, 3)

Samu. 98  Muopelele Jehova pina yenca,+ Kakuli uezize lika zekomokisa.+ Lizoho lahae la bulyo, lizoho lahae lelikenile, litahisize puluso.+   Jehova uzibahalize kupilisa kwahae;+ Upatuluzi kuluka kwahae fapilaa macaba.+   Uhupuzi lilato lahae lelisa feli ni busepahali bwahae ku ba ndu ya Isilaele.+ Batu ba mwa maneku kaufela a lifasi baboni kupilisa kwa Mulimu waluna.*+   Muhuweleze ka muhuwo wa tulo ku Jehova, mina lifasi kaufela. Muwabelwe, muhuweleze ka tabo, mi muopele milumbeko.+   Muopelele Jehova milumbeko ka harepa, Ka harepa ni ka pina ya mulumo omunde.   Ka litolombita ni ka mulumo wa lunaka,+ Muhuweleze ka muhuwo wa tulo fapilaa Mulena, yena Jehova.   Liwate lilume ni zetezi ku lona kaufela, Ni lifasi* ni babayahile mwateñi.   Linuka likambele ka mazoho azona; Malundu ahuweleze hamoho ka tabo+   Fapilaa Jehova, kakuli wataha* kuto atula lifasi. Ukaatula lifasi* ka kuluka+ Ni macaba ka katulo yelukile.+

Litaluso ze kwatasi

Kamba “tulo ya Mulimu waluna.”
Kamba “naha.”
Kamba “utile.”
Kamba “naha.”