Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 92:1-15

LITABA ZE MWAHALI

  • Jehova ki yapahami kuya kuile

    • Misebezi yahae yemituna ni minahano yahae yetibile (5)

    • “Babalukile bakashoshela hande sina kota” (12)

    • Basupali bakazwelapili kubeya miselo (14)

Samu. Pina ya lizazi la Sabata. 92  Ki nto yende kuitumela ku Jehova+Ni kuopelela libizo lahao milumbeko, wena Yapahami ka Kufitisisa,   Kuzibahaza lilato lahao lelisa feli+ ka nako ya kakusasanaNi busepahali bwahao ka nako ya busihu,   Ka sesilizwa sa mihala yelishumi ni sesilizwa sa mihala sesiñwi,Ka harepa ya mulumo omunde.+   Kakuli unitabisize, wena Jehova, bakeñisa likezo zahao; Nihuweleza ka tabo kabakala misebezi ya mazoho ahao.   Wena Jehova, misebezi yahao ki yemituna ha­hulu! Minahano yahao itibile hahulu!+   Hakuna mutu yasina ngana yakona kuiziba;Mi hakuna mutu wa sikuba yakona kuutwisisa taba ye:   Babamaswe habahula inge bucwañiNi batu kaufela babaeza zemaswe habakondisa,Kikuli bayundiswe kuya kuile.+   Kono wena Jehova u yapahami kuya kuile.   Talimela lila zahao halitulwa, wena Jehova,Bona molika yundela lila zahao;Kaufela babaeza zemaswe bakahasanywa.+ 10  Kono ukaekeza maata* aka kuli abe inge a poho ya mwa naheñi;Nikanolofaza litalo laka ka oli yenca.+ 11  Meeto aka akatalimela lila zaka halitulwa;+Mazebe aka akautwa za kuwa kwa batu babanani lunya baba nilwanisa. 12  Kono babalukile bakashoshela hande sina kota ya nzaluMi bakahula, babe babatuna, sina kota ya sidare ya kwa Lebanoni.+ 13  Bacezwi mwa ndu ya Jehova;Bashoshela hande mwa malapa a Mulimu wa­luna.+ 14  Bakazwelapili kubeya miselo nihaiba mwa busupali;*+Bakazwelapili kuba babatiile* ni kuba ni maata,+ 15  Banze bazibahaza kuli Jehova unani niti. Ki yena Licwe laka+, yasina kusaluka.

Litaluso ze kwatasi

Linzwi ka linzwi, “lunaka.”
Kamba “mwa nako ya kutunya limbi.”
Linzwi ka linzwi, “babanunile.”