Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 90:1-17

LITABA ZE MWAHALI

  • Mulimu ki wa kamita mi mutu upila feela nako yekuswani

    • Lilimo ze 1,000 liswana inge lizazi la mabani (4)

    • Mutu upila lilimo ze 70 kuisa ku ze 80 (10)

    • “Ululute mwakubalela mazazi aluna” (12)

Tapelo ya Mushe, muuna wa Mulimu wa niti.+ 90  Wena Jehova, ubile masabelo aluna+ mwa masika kaufela.   Pili malundu asika pepwa kale Kamba usika eza kale lifasi ni naha,+ Kuzwa linako zesina makalelo kuisa linako zesina mafelelezo, ki wena Mulimu.+   Ukutiseza mutu kwa liluli; Ubulela kuli: “Amukute, mina bana ba batu.”+   Kakuli ku wena lilimo ze 1,000 liswana inge lizazi la mabani halifelile,+ Inge mutonelo wa busihu ulimuñwi.   Wabafelisa;+ baba inge buloko; Kakusasana baswana sina bucwañi bobumela.+   Kakusasana bwapukuma ni kuuncafala, Kono manzibwana bwaletuka ni kuoma.+   Kakuli lufezwa ki buhali bwahao+ Mi lusabiswa ki mabifi ahao.   Ubeya milatu yaluna fapilaa hao;*+ Likunutu zaluna lipatululwa ki liseli la pata yahao.+   Mazazi aluna afezwa* ki buhali bwahao; Mi lilimo zaluna lifela sina kushobota. 10  Butelele bwa bupilo bwaluna ki lilimo ze 70, Kamba ze 80+ ku mutu yatiile hahulu.* Kono litezi manyando ni maswabi; Lifela kapili, mi lwayunda.+ 11  Ki mañi yakona kuutwisisa maata a buhali bwahao? Buhali bwahao ki bobutuna inge sabo yeuswanela kusabiwa ka yona.+ 12  Ululute mwakubalela mazazi aluna+ Kuli lube ni pilu yenani butali. 13  Ukute, wena Jehova!+ Muinelo wo ukazwelapili kuisa lili?+ Utwela batanga bahao makeke.+ 14  Kakusasana ulubonise lilato lahao lelisa feli,+ Kuli luhuweleze ka tabo mi luwabelwe+ mwa mazazi kaufela a bupilo bwaluna. 15  Ulutabise ka mazazi alikana ni mazazi eulunyandisize,+ Ka lilimo zeñata kulikana ni lilimo zelukopani ni liziyezi.+ 16  Haike batanga bahao babone musebezi wahao, Mi bana babona babone kanya yahao.+ 17  Haike sishemo sa Jehova Mulimu waluna sibe ni luna; Haike ukondise* musebezi wa mazoho aluna. Ki cwalo, ukondise* musebezi wa mazoho aluna.+

Litaluso ze kwatasi

Kamba “Waziba milatu yaluna.”
Kamba “Bupilo bwaluna bufezwa.”
Kamba “kabakala maata aaipitezi.”
Kamba “utiise.”
Kamba “utiise.”