Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lisamu 9:1-20

LITABA ZE MWAHALI

  • Kuzibahaza misebezi ya Mulimu yekomokisa

    • Jehova, ki masabelo atiile (9)

    • Kuziba libizo la Mulimu ki kumusepa (10)

Ku muzamaisi wa lipina; fa Muti-labeni.* Samu ya Davida. א [Aleph] 9  Nika kulumbeka ka pilu yaka kaufela, wena Jehova; Nikabulela za misebezi yahao kaufela yekomokisa.+   Nikataba ni kunyakalala kabakala hao; Nikaopelela libizo lahao milumbeko, wena Yapahami ka Kufitisisa.+ ב [Beth]   Lila zaka halika kuta mwamulaho,+ Likasitatala ni kushwa fapilaa hao.   Kakuli waniyemela; Uinzi mwa lubona lwahao unze uatula ka kuluka.+ ג [Gimel]   Ukalimezi macaba+ ni kutimeza babamaswe, Utakuzi libizo labona kamita ni kuya kuile.   Lila lisinyizwe kuya kuile; Ukumuzi mileneñi yabona, Mi habasana kuhupulwa.+ ה [He]   Kono Jehova uinzi mwa lubona lwahae kuya kuile;+ Utiisize lubona lwahae kuli aatule ka kuluka.+   Ukaatula lifasi* ka kuluka;+ Ukaatulela macaba likatulo zelukile.+ ו [Waw]   Jehova ukaba masabelo atiile* a babahatelelwa,+ Masabelo atiile mwa linako za ziyezi.+ 10  Babaziba libizo lahao baka kusepa;+ Nikamuta hauna kufulalela baba kubata, wena Jehova.+ ז [Zayin] 11  Muopelele Jehova milumbeko, yena yayahile mwa Sione; Muzibahaze likezo zahae mwahalaa macaba.+ 12  Kakuli Yena yalombota mali abona wabahupula;+ Haana kulibala muhuwo wa babanyanda.+ ח [Heth] 13  Unishemube, wena Jehova; bona moninyandisezwa ki baba nitoile, Wena yanizwisa kwa minyako ya lifu,+ 14  Kuli nizibahaze likezo zahao zebabazeha mwa minyako ya mwanaa musizana wa Sione,+ Ni kutaba ka likezo zahao za kupilisa.+ ט [Teth] 15  Ba macaba bawezi mwa mukoti one bayepile; Mahutu abona aswasehile mwa kanyandi kane bapatile.+ 16  Jehova uzibahala ka likatulo zafitisanga.+ Yamaswe uswasizwe ki musebezi wa mazoho ahae.+ Higaioni.* (Selah) י [Yod] 17  Babamaswe bakakuta mwa Libita,* Ona macaba kaufela aalibala Mulimu. 18  Kono babotana habana kulibalwa kamita;+ Mi sepo ya babaishuwa haina kufela nikamuta.+ כ [Kaph] 19  Yema, wena Jehova! Usike watuhelela mutu kukukoma. Macaba aatulwe fapilaa hao.+ 20  Ubasabise, wena Jehova,+ Ubonise macaba kuli ki batu feela. (Selah)

Litaluso ze kwatasi

Kamba “naha.”
Kamba “sibaka sesilumbile sa silelezo.”
Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.