Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 85:1-13

LITABA ZE MWAHALI

  • Tapelo ya kuli Mulimu akutise sicaba

    • Mulimu ukabulela za kozo ku babasepahala (8)

    • Lilato lelisa feli ni busepahali likakopana (10)

Ku muzamaisi wa lipina. Samu ya bana ba Kora.+ 85  Wena Jehova, ushemubile naha yahao;+Ukutisize bana ba Jakobo bane bahapilwe.+   Uswalezi bufosi bwa sicaba sahao; Uswalezi* libi zabona kaufela.+ (Selah)   Uisweli mwa kuhalifa kwahao kaufela;Unyemuluhile kwa buhali bwahao bobutuka.+   Ulukutise,* wena Mulimu yalupilisa,Mi utuhele kulunyemela.+   Kikuli uka lunyemela kuya kuile?+ Kikuli buhali bwahao bukazwelapili kuzwa mwa lusika loluñwi kuya kuloluñwi?   Kikuli hauna kulumatafaza hapeKuli sicaba sahao sinyakalale kabakala hao?+   Ulubonise lilato lahao lelisa feli, wena Jehova,+Mi ulupilise.   Nikateeleza ku zabulela Jehova Mulimu wa niti,Kakuli ukabulela za kozo kwa sicaba sahae,+ ku babasepahala bahae, Kono basike bakutela kuisepa hahulu.+   Kaniti kupilisa kwahae ku fakaufi ni babamusaba,+Kuli kanya yahae iine mwa naha yaluna. 10  Lilato lelisa feli ni busepahali likakopana hamoho;Kuluka ni kozo likatube­tana.+ 11  Busepahali bukamela mwa lifasi,Mi kuluka kukatalimela fafasi kuzwelela kwa mahalimu.+ 12  Ki cwalo, Jehova ukafa zende,*Mi naha yaluna ikatahisa kutulo yayona.+ 13  Kuluka kukamuzamaya kwapili+Ni kulukiseza mahutu ahae nzila.

Litaluso ze kwatasi

Linzwi ka linzwi, “Ukwahezi.”
Kamba “Ulukubukanye hape.”
Kamba “bufumu.”