Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 80:1-19

LITABA ZE MWAHALI

  • Mulisana wa Isilaele ukupiwa kuli akutise sicaba

    • “Wena Mulimu, ulukutise” (3)

    • Isilaele sina kota ya veine ya Mulimu (8-15)

Ku muzamaisi wa lipina; ka mulumo wa “Mayangayanga.” Kupuliso. Samu ya Asafi.+ 80  Uteeleze, wena Mulisana wa Isilaele, Wena yalisa Josefa inge mutapi.+ Wena yainzi mwa lubona fahalimwaa* likerubimi,+ Ubenye.*   Fapilaa Efraimi ni Benjamine ni Manase, Ubonahalise maata ahao;+ Utahe uto lupilisa.+   Wena Mulimu, ulukutise;+ Ulubenyiseze pata yahao, kuli lukone kupiliswa.+   Jehova Mulimu wa limpi, ukaanga nako yekuma kai inze uhalifile ni kuhana* tapelo ya sicaba sahao?+   Ubafepa miyoko sina sico sabona, Mi ubanwisa miyoko yemiñata hahulu.   Utuhelela babayahile ni luna kuomana bakeñisa luna; Lila zaluna lizwelapili kulusheununa ka molilatela.+   Wena Mulimu wa limpi, ulukutise; Ulubenyiseze pata yahao, kuli lukone kupiliswa.+   Neuzwisize kota ya veine+ mwa Egepita. Neulelekile macaba mwa naha yaona kuli uicale mwateñi.+   Neu ilukiselize sibaka, Mi yatoma mibisi ni kutala mwa naha.+ 10  Malundu aapeswa ki muluti wayona, Mi likota za sidare za Mulimu zaapeswa ki mitai yayona. 11  Yanamisa mitai yayona kuyo fita kwa liwate, Ni matuhela ayona kuyo fita kwa Nuka.*+ 12  Uwiselizeñi mamota a macwe a simu ya veine,+ Kuli babaifitela mwa nzila kaufela bayangula miselo yayona?+ 13  Likulube za mwa mushitu zaisinya, Mi lifolofolo za mwa naheñi lica kwateñi.+ 14  Wena Mulimu wa limpi, ukute. Talima fafasi unzo li kwa lihalimu mi ubone! Ubabalele kota ya veine ye,+ 15  Mutai* one licezi lizoho lahao la bulyo,+ Mi utalime mwanaa hao yene* utiisize kuli ukutekiwe.+ 16  Kota ya veine ilemilwe ni kucisiwa mwa mulilo.+ Batimezwa ki kalimelo yahao.* 17  Haike utuse muuna ya kwa lizoho lahao la bulyo, Mwanaa mutu yeutiisize kuli ukutekiwe.+ 18  Mi fo, haluna kuzwa ku wena. Ulupilise, kuli lukone kubiza fa libizo lahao. 19  Wena Jehova Mulimu wa limpi, ulukutise; Ulubenyiseze pata yahao, kuli lukone kupiliswa.+

Litaluso ze kwatasi

Kamba mwendi, “mwahalaa.”
Kamba “Upatulule kubenya kwahao.”
Linzwi ka linzwi, “kuhalifela.”
Fo kikuli, Nuka ya Eufrati.
Kamba “Mushemi wa kota ya veine.”
Kamba “mutai one.”
Linzwi ka linzwi, “kalimelo ya pata yahao.”