Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 8:1-9

LITABA ZE MWAHALI

  • Kanya ya Mulimu ni kukutekeha kwa mutu

    • “Libizo lahao ki lelituna hahulu!” (1, 9)

    • ‘Mutu ki wa butokwa cwañi?’ (4)

    • Mutu uapesizwe kuwani ya likute (5)

Ku muzamaisi wa lipina; fa Gititi.* Samu ya Davida. 8  Jehova wena Mulenaa luna, libizo lahao ki lelituna hahulu mwa lifasi kamukana; Upahamisize kanya yahao kufitelela nihaiba mahalimu!*+   Ka milomo ya banana ni limbututu+ utiisize maata ahao Kabakala lila zahao, Kuli ukuzise sila ni yakutisa bumaswe.   Hanibona mahalimu ahao, misebezi ya minwana yahao, Kweli ni linaleli zeulukisize,+   Nili: Mutu ki mañi kuli umuhupule, Mi mwanaa mutu ki mañi kuli umubabalele?+   Umuezize hanyinyani kuba mwatasaa babaswana ni Mulimu,* Mi umuapesize kuwani ya kanya ni likute.   Umufile kubusa misebezi yeuezize ka mazoho ahao;+ Ubeile lika kaufela kwatasaa mahutu ahae:   Lingu ni lipuli ni likomu kaufela, Hamoho ni lifolofolo za mwa naheñi,*+   Linyunywani za mwa mahalimu ni litapi za mwa liwate, Lika kaufela zezamaya mwa linzila za mwa mawate.   Jehova wena Mulenaa luna, libizo lahao ki lelituna hahulu mwa lifasi kamukana!

Litaluso ze kwatasi

Kamba mwendi, “Wena yanani kanya yebulelwa fahalimwaa mahalimu!”
Kamba “mwatasaa mangeloi.”
Linzwi ka linzwi, “libatana za mwa naheñi.”