Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 76:1-12

LITABA ZE MWAHALI

  • Mulimu utuzi lila za Sione

    • Mulimu upilisa babaishuwa (9)

    • Lila zeikuhumusa likakokobezwa (12)

Ku muzamaisi wa lipina; kuitusiswe zelizwa za mihala. Samu ya Asafi.+ Pina. 76  Mulimu wazibahala mwa Juda;+ Libizo lahae ki lelituna mwa Isilaele.+   Makundamo ahae a mwa Salema,+ Mi uina mwa Sione.+   Kwateñi naalobile masho a buta aatuka, Ni tebe ni mukwale ni lilwaniso za ndwa.+ (Selah)   Wena Mulimu, ubenya hahulu;* Ukateleha hahulu kufita malundu mokupila libatana.   Ba lipilu zebundume baamuhilwe zabona.+ Balobezi; Lindwalume kaufelaa zona nelisa koni kuitamulela.+   Ka kalimelo yahao, wena Mulimu wa Jakobo, Pizi ni muzamaisi wa koloi balobezi.+   Ki wena unosi yasabisa.+ Ki mañi yakona kuyema fapilaa hao hauhalifile?+   Neufitisize katulo unze uli kwa lihalimu;+ Lifasi nelisabile mi nelikuzize+   Mulimu hayema kuli aatule, Kuli apilise babaishuwa kaufela mwa lifasi.+ (Selah) 10  Kakuli buhali bwa mutu bukatahisa kuli ulumbekwe;+ Ukaikabisa ka buhali bwabona bobusa siyezi. 11  Muitame ku Jehova Mulimu wamina mi mueze zemuitamile ku yena,+ Baba mupotolohile kaufela batise mpo yabona ka sabo.+ 12  Ukafelisa buikuhumuso* bwa baeteleli; Usabisa malena ba lifasi.

Litaluso ze kwatasi

Kamba “ukwahezwi ki liseli.”
Linzwi ka linzwi, “moya.”