Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 75:1-10

LITABA ZE MWAHALI

  • Mulimu uatula ka kuluka

    • Babamaswe bakanwa mwa komoki ya Jehova (8)

Ku muzamaisi wa lipina. Ka mulumo wa “Usike Wasinya.” Samu ya Asafi.+ Pina. 75  Lwaitumela ku wena, wena Mulimu, lwaitumela ku wena; Libizo lahao li fakaufi,+ Mi batu bazibahaza misebezi yahao yekomokisa.   Uli: “Hanitomile nako, Niatula ka kuluka.   Lifasi ni baba ku lona kaufela hane lishengunuka, Ki na yanaatiisize misumo yalona.” (Selah)   Nibulelela babaitumbaeta, nili: “Musike mwaitumba,” Ni ku babamaswe nili: “Musike mwaikutwisiseza maata* amina.   Musike mwaikutwisiseza maata* amina Kamba kubulela ka buikuhumuso.   Kakuli kupahamiswa hakuzwi Kwa upa kamba kwa wiko kamba kwa mboela.   Kakuli Mulimu ki Muatuli.+ Ukokobeza yomuñwi ni kupahamisa yomuñwi.+   Kakuli kunani komoki mwa lizoho la Jehova;+ Waine ipanga lufulo mi izwakilwe hande. Kaniti uka isulula, Mi babamaswe kaufela mwa lifasi baka inwa, banwe ni zeshekezi fa lilaho.”+   Haili na, nikazibahaza taba yeo kuya kuile; Nikaopelela Mulimu wa Jakobo milumbeko. 10  Kakuli Mulimu uli: “Nikafeza maata* kaufela a babamaswe, Kono maata* a babalukile akaekezeha.”

Litaluso ze kwatasi

Linzwi ka linzwi, “lunaka.”
Linzwi ka linzwi, “lunaka.”
Linzwi ka linzwi, “manaka.”
Linzwi ka linzwi, “manaka.”