Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 72:1-20

LITABA ZE MWAHALI

  • Puso ya kozo ya mulena yaketilwe ki Mulimu

    • “Yalukile ukakonda” (7)

    • Kuba ni babusiwa kukalela kwa liwate leliñwi kuisa ku leliñwi (8)

    • Kulamulelwa kwa mifilifili (14)

    • Bubeke bobuñata mwa lifasi (16)

    • Libizo la Mulimu lilumbekwa kuya kuile (19)

Samu yebulela za Salumoni. 72  Wena Mulimu, ulute mulena likatulo za hao, Uzibise mwanaa mulena kuluka kwahao.+   Ayemele sicaba sahao ka kuluka, Mi ayemele batu bahao ba mayemo a kwatasi ka katulo yelukile.+   Haike malundu atiseze batu kozo, Mi malundunyana atise kuluka.   Mulena ayemele* ba mayemo a kwatasi mwa sicaba, Apilise bana ba babotana, Mi ayundise muputeleli.+   Baka kusaba ka nako kaufela ya kubateñi kwa lizazi Ni nako kaufela ya kubateñi kwa kweli, Kuzwa lusika loluñwi kuya ku loluñwi.+   Mulena ukaswana sina pula yenela fa bucwañi bobupumilwe, Sina lufafazani lolukolobisa mubu.+   Mwa mazazi ahae, yalukile ukakonda,*+ Mi kozo ikaekezeha+ kufitela kweli iba siyo.   Ukaba ni babusiwa* kukalela kwa liwate leliñwi kuisa ku leliñwi Ni kuzwa kwa Nuka* kuisa kwa mafelelezo a lifasi.+   Babapila mwa lihalaupa baka mukubamela, Mi lila zahae likayunda.+ 10  Malena ba kwa Tareshishi ni ba kwa lioli baka mutiseza ñamba.+ Malena ba kwa Sheba ni ba kwa Seba baka muzwiseza limpo.+ 11  Malena kaufela baka mukubamela, Mi macaba kaufela aka musebeleza. 12  Kakuli ukalamulela mubotana yalilela kutusiwa, Ni mutu wa mayemo a kwatasi ni mutu kaufela yasina yamutusa. 13  Ukashwela makeke mutu wa mayemo a kwatasi ni mubotana, Mi ukapilisa bupilo* bwa babotana. 14  Uka balamulela kwa buhateleli ni kwa mifilifili, Mi mali abona akaba a butokwa mwa meeto ahae. 15  Haike apile nako yetelele mi afiwe gauda ya kwa Sheba.+ Alapelelwe ka nako kaufela, Mi afuyolwe lizazi kaufela. 16  Kukaba ni bubeke bobuñata mwa lifasi;+ Bukaba bobuñata hahulu fahalimwaa malundu. Miselo yahae ikaba yemiñata hahulu inge mwa Lebanoni,+ Mi batu mwa mileneñi bakaata sina limela za lifasi.+ 17  Haike libizo lahae liine kuya kuile,+ Mi litume ka nako kaufela ya kubateñi kwa lizazi. Haike batu baipumanele mbuyoti ka yena;+ Macaba kaufela amubulele kuli utabile. 18  Haike Jehova Mulimu alumbekwe, yena Mulimu wa Isilaele,+ Yena anosi yaeza lika zekomokisa.+ 19  Libizo lahae lelinde lilumbekwe kuya kuile,+ Mi kanya yahae itale mwa lifasi kaufela.+ Ameni, Ameni. 20  Fa ki fona folifelela litapelo za Davida, mwanaa Jese.+

Litaluso ze kwatasi

Linzwi ka linzwi, “aatule.”
Linzwi ka linzwi, “ukashoshela.”
Kamba “Ukabusa.”
Fo kikuli, Nuka ya Eufrati.
Kamba “moyo.”