Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 7:1-17

LITABA ZE MWAHALI

  • Jehova ki Muatuli yalukile

    • “Uniatule, wena Jehova” (8)

Pina ya sililo ya Davida yanaaopelezi Jehova bakeñisa manzwi a Kushi wa Mubenjamine. 7  Jehova Mulimu waka, nisabezi ku wena.+ Nipilise kwa batu kaufela baba ninyandisa mi unilamulele.+   Hakusicwalo, baka nipapaula inge tau,+Baka nipamula kusina yanilamulela.   Jehova Mulimu waka, haiba nifosize mwa taba ye,Haiba niezize ka kusaluka,   Haiba nifoselize mutu yanieza hande,+Kamba haiba nibukuzi sila saka kusina libaka,*   Fohe, sila saka sinindongwame, siniswale;Sihatikele bupilo bwaka fafasiNi kufeliseza kanya yaka mwa liluli. (Selah)   Yema ka buhali bwahao, wena Jehova;Ulwanise buhali bwa lila zaka;+Zuha unituse, mi ulaele kuli katulo yelukile iezwe.+   Macaba akupotolohe;Mi uka alwanisa unze uli kwahalimu.   Jehova ukaatula macaba.+ Uniatule, wena Jehova, ka kuya ka kuluka kwakaNi ka kuya ka kusepahala kwaka.+   Ufelise likezo zemaswe za babamaswe. Kono utuse babalukile,+Kakuli u Mulimu yalukile,+ yatatuba lipilu+ ni maikuto a mwahali.*+ 10  Mulimu ki tebe yaka,+ ki Mupilisi waba lipilu zenani niti.+ 11  Mulimu ki Muatuli yalukile,+Mi Mulimu uzibahaza likatulo zahae zazi ni zazi. 12  Mutu hasabaki,+ Mulimu uloza mukwale wahae;+Uhoha buta bwahae ni kubunongisa.+ 13  Ulukisa lilwaniso zahae zebulaya;Ulukisa masho ahae aatuka.+ 14  Bona mutu yaitwezi zemaswe;Uitwala butata mi upepa buhata.+ 15  Uyepa mukoti mi wautungisa,Kono uwela mwa musima ona wo wayepile.+ 16  Butata bwalabula buka mukutela fa toho;+Mifilifili yahae ika muwela fa toho. 17  Nikalumbeka Jehova kabakala katulo yahae yelukile;+Nikaopelela milumbeko libizo la Jehova,+ Yapahami ka Kufitisisa.+

Litaluso ze kwatasi

Kamba mwendi, “Inze nituhelezi mutu yanilwanisa kusina libaka.”
Kamba “yalika lipilu ni lipio.”