Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 67:1-7

LITABA ZE MWAHALI

  • Batu ba mwa maneku kaufela a lifasi bakasaba Mulimu

    • Nzila ya Mulimu ikazibahala (2)

    • ‘Macaba kaufela alumbeke Mulimu’ (3, 5)

    • “Mulimu uka lufuyola” (6, 7)

Ku muzamaisi wa lipina; kuitusiswe zelizwa za mihala. Samu. Pina. 67  Mulimu uka lushemuba ni kulufuyola; Uka lubenyiseza pata yahae+ (Selah)   Kuli nzila yahao izibahale mwa lifasi kamukana,+ Likezo zahao za kupilisa lizibahale mwahalaa macaba kaufela.+   Macaba akulumbeke, wena Mulimu; Macaba kaufela akulumbeke.   Macaba awabelwe mi ahuweleze ka tabo,+ Kakuli ukaatula macaba ka kuluka.+ Ukaetelela macaba a lifasi. (Selah)   Macaba akulumbeke, wena Mulimu; Macaba kaufela akulumbeke.   Lifasi likamelisa siselo salona;+ Mulimu, yena Mulimu waluna, uka lufuyola.+   Mulimu uka lufuyola, Mi batu ba mwa maneku kaufela a lifasi baka musaba.*+

Litaluso ze kwatasi

Kamba “baka mukuteka.”