Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 65:1-13

LITABA ZE MWAHALI

  • Mulimu ubabalela lifasi

    • “Yautwa litapelo” (2)

    • “Tabo ki ya mutu yeuketa” (4)

    • Bunde bwa Mulimu bobutuna hahulu (11)

Ku muzamaisi wa lipina. Samu ya Davida. Pina. 65  Milumbeko ikulibelezi mwa Sione, wena Mulimu;+Lukaeza zene luitamile ku wena.+   Wena Yautwa litapelo, batu ba mufuta kaufela* bakataha ku wena.+   Lifoso zaka liniimezi,+Kono ukwahela milatu yaluna.+   Tabo ki ya mutu yeuketa ni kumutisa bukaufi ni wenaKuli apile mwa malapa ahao.+ Lukakula zende za mwa ndu yahao,+Yona tempele yahao yekenile.*+   Uka lualaba ka likezo zesabisa+ za kuluka,Wena Mulimu yalupilisa;Ki wena Sepo ya baba kwa mafelelezo kaufela a lifasi+Ni babakwahule mwabuse bwa liwate.   Utiisize malundu ka maata ahao;Unani maata amatuna.+   Uombalisa mawate abi­file,+Lilata la mandinda aona ni siyongili sa macaba.+   Babapila kwa libaka zakwahule bakasabiswa hahulu ki lisupo zahao;+Ukatahisa kuli baba kwa mapazulelo kuisa kwa malikelelo bahuweleze ka tabo.   Ubabalela lifasi,Utahisa kuli libeye hahulu* mi walinunisa hahulu.+ Nukana yezwa ku Mulimu itezi mezi;Ki wena yabafa lico,+Kakuli ki mona moulukiselize lifasi cwalo. 10  Ukolobisa mifolo yalona ni kuwiseza hande mubu walona okekezwi;Walinolofaza ka lufafazani lwa pula; ufuyola zemela ku lona.+ 11  Uapesa silimo bunde bwahao inge kuwani ya bulena;Moufita kunani lika zende zeñata hahulu.+ 12  Mafulisezo a mwa lihalaupa azwelapili kuyuboka,*+Mi malundu aapesizwe tabo.+ 13  Mafulisezo atezi mitapi,Mi misindi* iapesizwe buloto.+ Lisweli zahuweleza ka tabo, ki cwalo, zaopela.+

Litaluso ze kwatasi

Linzwi ka linzwi, “nama kaufela.”
Kamba “sibaka sesikenile.”
Linzwi ka linzwi, “Waliyubokisa.”
Linzwi ka linzwi, “kulota.”
Kamba “mabala.”