Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 64:1-10

LITABA ZE MWAHALI

  • Kusilelezwa kwa litasezo za babaipatile

    • “Mulimu uka bakunupa” (7)

Ku muzamaisi wa lipina. Samu ya Davida. 64  Wena Mulimu, uutwe ­linzwi laka haniitilelela.+ Ubukeleze bupilo bwaka kwa litasezo zesabisa za sila.   Unisileleze kwa milelo yebalela babamaswe kwa mukunda,+Unisileleze kwa silundwamanji sa babaeza zemaswe.   Baloza malimi abona sina mikwale;Banongisa manzwi abona aasituhu, sina masho,   Kuli bakunupe yasina mulatu kuzwelela mwa libaka mobaipatile;Bamukunupa kapili-pili, basasabi.   Batiiseza mwa mulelo wabona omaswe;*Baambolisana za mobaka patela tutwa twabona. Bali: “Ki mañi yaka tu­bona?”+   Babata linzila zenca za kufosa ka zona;Kwa mukunda balela zemaswe ka maano ­abona;+Zanahana mutu ni mutu mwa pilu yahae haliutwisisehi.   Kono Mulimu uka bakunupa;+Bakaholofazwa ki lisho ka sipundumukela.   Bakawiswa ki malimi abona kasibili;+Batu kaufela babatalimezi bakanyunga litoho za­bona.   Mi cwale batu kaufela bakasaba,Mi bakazibahaza zaezize Mulimu,Mi bakautwisisa likezo zahae.+ 10  Yalukile ukataba kabakala Jehova mi ukasabela ku yena;+Batu kaufela ba lipilu zenani niti bakawabelwa.*

Litaluso ze kwatasi

Kamba “Basusuezana kueza zemaswe.”
Kamba “bakaitumba.”