Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lisamu 63:1-11

LITABA ZE MWAHALI

  • Kunyolelwa Mulimu

    • “Lilato lahao lelisa feli ki lelinde kufita bupilo” (3)

    • ‘Kukula lico zende hahulu’ (5)

    • Kukengeyela za Mulimu mwahalaa busihu (6)

    • ‘Nikumalezi ku Mulimu’ (8)

Samu ya Davida, hanaali mwa lihalaupa la Juda.+ 63  Mulimu, ki wena Mulimu waka, nizwelapili kukubata.+ Nikunyolezwi.+ Nifokozi* kabakala kukushukelwa Mwa naha yeomile ni yenyolilwe, yesina mezi.+   Kiha senitalimela ku wena mwa sibaka sesikenile; Niboni maata ahao ni kanya yahao.+   Bakeñisa kuli lilato lahao lelisa feli ki lelinde kufita bupilo,+ Mulomo waka uka kukanyisa.+   Kabakaleo, nika kulumbeka mwa bupilo bwaka kaufela; Nikananulela mazoho aka mwahalimu ka libizo lahao.   Nikusi lico zende hahulu, zekateleha, Kabakaleo, mulomo waka uka kulumbeka ka tabo.+   Nikuhupula inze nili fa mumbeta waka; Nikengeyela zahao mwahalaa busihu.+   Kakuli ki wena yanitusa,+ Mi nihuweleza ka tabo mwa muluti wa mafufa ahao.+   Nikumalezi ku wena; Lizoho lahao la bulyo liniswalelezi.+   Kono bababata kusinya bupilo bwaka* Bakashetumukela kwatasaa lifasi. 10  Bakabulaiwa ka mukwale; Bakaba sico sa mawawa. 11  Kono mulena ukatabiswa ki Mulimu. Mutu kaufela yakonka ka Yena ukawabelwa,* Kakuli milomo ya bababulela buhata ikakuziswa.

Litaluso ze kwatasi

Linzwi ka linzwi, “Nama yaka ifokozi.”
Kamba “kusinya moyo waka; kunibulaya.”
Kamba “ukaitumba.”