Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 62:1-12

LITABA ZE MWAHALI

  • Kupiliswa kwa luli kuzwa ku Mulimu

    • “Nilibelezi Mulimu ka pilu-telele” (1, 5)

    • ‘Mubulelele Mulimu kaufela ze mwa lipilu zamina’ (8)

    • Batu ki moya feela obululwa (9)

    • Usike wasepa sifumu (10)

Ku muzamaisi wa lipina; wa Jedutuni.* Samu ya Davida. 62  Kaniti, nilibelezi Mulimu ka pilu-telele. Kupiliswa kwaka kuzwa ku yena.+   Ki yena licwe laka, ki yena yanipilisa, masabelo aka atiile;*+ Nikamuta hanina kunyanganyiswa hahulu.+   Mukaanga nako yekuma kai inze mulwanisa mutu kuli mumubulaye?+ Kaufelaa mina mwasabisa inge limota lelishendami, limota la macwe lelituha liwa.*   Kakuli balelisana hamoho kuli bamutulule fa mayemo ahae apahami; Batabela kubulela buhata. Bafuyola ka milomo yabona, kono mwa lipilu zabona bakuta.+ (Selah)   Kaniti, nilibelezi Mulimu ka pilu-telele+ Kakuli sepo yaka izwa ku yena.+   Ki yena licwe laka, ki yena yanipilisa, masabelo aka atiile; Nikamuta hanina kunyanganyiswa.+   Kupiliswa kwaka ni kanya yaka liitingile ku Mulimu. Mulimu ki yena licwe laka lelitiile ni masabelo aka.+   Mumusepe ka nako kaufela, mina batu. Mumubulelele kaufela ze mwa lipilu zamina.+ Mulimu ku luna ki masabelo.+ (Selah)   Bana ba batu ki moya feela obululwa, Bana ba batu ki masabelo a buhata.+ Hababeiwa fa sikala kaufelaa bona, babubebe kufita moya obululwa feela.+ 10  Usike wasepa bubukuli Kamba kuisepisa ka busholi. Sifumu sahao hasiekezeha, usike waisa pilu yahao ku sona.+ 11  Niutwile, Mulimu ubulezi habeli taba ye: Kuli maata ki a Mulimu.+ 12  Ni lilato lelisa feli ki lahao, wena Jehova,+ Kakuli ukutiseza mañi ni mañi ka kuya ka likezo zahae.+

Litaluso ze kwatasi

Kamba “sibaka sesilumbile sa silelezo.”
Kamba mwendi, “Kaufelaa mina, inge kuli mutu yo ki limota lelishendami, limota la macwe lelituha liwa.”