Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 61:1-8

LITABA ZE MWAHALI

  • Mulimu, ki tawala yetiile yesileleza kwa lila

    • “Nikaba muenyi mwa tende yahao” (4)

Ku muzamaisi wa lipina; kuitusiswe zelizwa za mihala. Samu ya Davida. 61  Wena Mulimu, uutwe muhuwo waka wa kukupa tuso. Uteeleze kwa tapelo yaka.+   Nikahuweleza ku wena kuzwelela kwa mafelelezo a lifasiPilu yaka haifelezwi ki sepo.*+ Uniise fa licwe lelitelele, leli nifitelela.+   Kakuli ki wena masabelo aka,Tawala yetiile yeenisileleza kwa sila.+   Nikaba muenyi mwa tende yahao kuya kuile;+Nikasabela mwa mukunda wa mafufa ahao.+ (Selah)   Kakuli uutwile buitamo bwaka, wena Mulimu. Unifile saanda sa babasaba libizo lahao.+   Ukaekeza kwa mazazi a bupilo bwa mulena,+Mi mulena ukapila lilimo zeñata kuzwa lusika loluñwi kuya ku loluñwi.   Ukaina mwa lubona kuya kuile fapilaa Mulimu;+Umufe lilato lelisa feli ni busepahali, kuli limusileleze.+   Kihona nikaopelela libizo lahao milumbeko kuya kuile+Haninze nipeta buitamo bwaka zazi ni zazi.+

Litaluso ze kwatasi

Kamba “haifokola.”