Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 60:1-12

LITABA ZE MWAHALI

  • Mulimu utula lila

    • Kupiliswa ki batu hakuna tuso (11)

    • “Lukafumana maata ka Mulimu” (12)

Ku muzamaisi wa lipina; ka mulumo wa “Liyangayanga la Kupuliso.” Mikitami.* Samu ya Davida. Ya tuto. Hanaalwanile ni Arami-naharaimi ni Arami-zoba, mi Joabi akuta ni kuto bulaya Maedomo ba 12,000 mwa Musindi wa Lizwai.+ 60  Wena Mulimu, neu luhanile; neu luhasa­nyize.+ Neu lunyemezi; kono cwale aku luamuhele!   Neuzikinyehisize lifasi; neu lipazuzi. Akulukise miandala yalona, kakuli lawa.   Neunyandisisize batu bahao. Neu lunwisize waine yeelutantalikisa.+   Ufe* sisupo sesika lemusa baba kusabaKuli babalehe ni kupima lisho.* (Selah)   Kuli balatiwa bahao balamulelwe,Ulupilise ka lizoho lahao la bulyo mi ulualabe.+   Mulimu ubulezi mwa bukeni bwahae,* uize: “Nikanyakalala, nikafa Sikemi kwa batu baka sina saanda,+Mi nikapumela batu baka Musindi* wa Sukoti.+   Giliadi ki yaka, sina Manase haili yaka,+Mi Efraimi ki kuwani yesileleza* toho yaka;Juda ki mulamu waka wa buzamaisi.+   Moabi ki mukeke onitapelanga ku ona.+ Nikanepela sikatulo saka fahalimwaa Edomo.+ Nikahuwa ka muhuwo wa tulo fahalimwaa Fili­sita.”+   Ki mañi yaka niisa kwa muleneñi oambekilwe?* Ki mañi yaka nietelela, kuyo nifitisa kwa ­Edomo?+ 10  Kana haki wena, wena Mulimu yaluhanile,Mulimu waluna, yatuhezi kuyanga ni limpi zaluna kwa ndwa?+ 11  Ulutuse mwa ziyezi yaluna,Kakuli kupiliswa ki batu hakuna tuso.+ 12  Lukafumana maata ka Mulimu,+Mi ukahatikela lila zaluna.+

Litaluso ze kwatasi

Kamba mwendi, “Ufile.”
Linzwi ka linzwi, “buta.”
Kamba mwendi, “mwa sibaka sahae sesikenile.”
Kamba “Libala.”
Linzwi ka linzwi, “sibaka sa silelezo sa.”
Kamba mwendi, “osilelelizwe.”