Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 59:1-17

LITABA ZE MWAHALI

  • Mulimu, ki tebe ni masabelo

    • ‘Usike wabonisa makeke kwa babeteki’ (5)

    • “Nikaopela za maata ahao” (16)

Ku muzamaisi wa lipina; ka mulumo wa “Usike Wasinya.” Samu ya Davida. Mikitami.* Saule hanaalumile batu kuyo libelela ndu ya Davida kuli bamubulaye.+ 59  Unilamulele kwa lila zaka, wena Mulimu waka;+Unisileleze ku baba nilwanisa.+   Unilamulele ku babaeza zemaswe,Mi unipilise kwa batu ba mifilifili.*   Bona! Banibandamezi, kuli banilwanise;+Baana babamaata banitasezaIsiñi kabakala kuli niipanguzi kamba niezize sibi,+ wena Jehova.   Nihaike kuli hakuna senifosize, bamata ni kuitukiseza kunitaseza. Uyeme hanihuweleza mi ubone.   Kakuli wena Jehova Mulimu wa limpi, ki wena Mulimu wa Isilaele.+ Zuha mi utatube macaba kaufela. Usike wabonisa makeke nihaiba ku alimuñwi wa babeteki babanani lunya.+ (Selah)   Manzibwana ni manzibwana bakuta;+Bahona* sina linja+ ni kupotoloha mwa muleneñi inze bananalela.+   Bona zezwa mwa mulomo wabona;Milomo yabona iswana inge mikwale,+Kakuli bali: “Ki mañi yateeleza?”+   Kono wena Jehova, uka baseha;+Ukasheununa macaba kaufela.+   Wena Maata aka, nikatalimela ku wena;+Kakuli Mulimu ki masabelo aka atiile.*+ 10  Mulimu yanibonisa lilato lelisa feli uka nitusa;+Mulimu ukatahisa kuli nitalimele lila zaka halitulwa.+ 11  Usike wababulaya, kuli sicaba saka sisike salibala. Ubayambaelise ka maata ahao;Utahise kuli bawe, wena Jehova, tebe yaluna.+ 12  Bakeñisa sibi sa mulomo wabona, manzwi a mulomo wabona,Haike baswasiwe ki buikuhumuso bwabona,+Kabakala matapa abona ni buhata bobabulela. 13  Ubafeze ka buhali bwahao;+Ubafeze, kuli babesiyo;Ubazibise kuli Mulimu ki yena yabusa Jakobo kuyo fita mane ni kwa mafelelezo a lifasi.+ ­(Selah) 14  Ubatuhele bakute, manzibwana;Ubatuhele bahone* sina linja ni kupotoloha mwa muleneñi inze banana­lela.+ 15  Ubatuhele bayambaele kubata sa kuca;+Usike wabatuhelela kukula lico kamba kufumana sibaka sa makundamo. 16  Haili na, nikaopela za maa­ta ahao;+Kakusasana nikabulela ka tabo za lilato lahao lelisa feli. Kakuli ki wena masabelo aka atiile+Ni sibaka senimatela ku sona ka nako yenili mwa ziyezi.+ 17  Wena Maata aka, nikaopelela wena milumbeko,+Kakuli Mulimu ki masabelo aka atiile, yena Mulimu yanibonisa lilato lelisa feli.+

Litaluso ze kwatasi

Kamba “babatabela kusulula mali.”
Kamba “Bahuhula.”
Kamba “sibaka sesilumbile sa silelezo.”
Kamba “bahuhule.”