Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 58:1-11

LITABA ZE MWAHALI

  • Kunani Mulimu yaatula lifasi

    • Tapelo ya kuli babamaswe bafiwe koto (6-8)

Ku muzamaisi wa lipina; ka mulumo wa “Usike Wasinya.” Samu ya Davida. Mikitami.* 58  Kana mwakona kubulela za kuluka inze mukuzize?+ Kana mwakona kuatula ka niti, mina bana ba batu?+   Mwa sibaka sa kueza cwalo, mina mulela zesika luka mwa lipilu zamina,+ Mi mazoho amina atahisa mifilifili mwa naha.+   Babamaswe bayauluka* basapepwa feela;* Baipanguzi, ki mahata kuzwa feela fobapepelwa.   Sifanu sabona siswana ni sifanu sa linoha;+ Habautwi, inge mbumbe yetibile zebe yayona.   Haina kuutwa linzwi la baambeleli, Niha bakaitusisa liposo zeipitezi.   Wena Mulimu, ukule meeno mwahanu yabona! Ulobe mitahali ya litau* ze, wena Jehova!   Haike bafele sina mwafelela mezi angonga. Haike Mulimu ahohe buta bwahae ni kubawisa ka masho ahae.   Babe sina kupa yeshengunuka hainze izamaya; Sina mwana yafitelezi, yasika bona lizazi.   Lipoto zamina lisika utwa kale mulilo wa kota ya mukakani, Mulimu ukafefula mutai omezi ni otuka, sina moya wa liñungwa.+ 10  Yalukile ukataba kabakala kubona babamaswe habakutisezwa bumaswe;+ Mahutu ahae akakolobiswa ki mali a babamaswe.+ 11  Mi cwale batu bakali: “Kaniti yalukile unani mupuzo.+ Luli, kunani Mulimu yaatula mwa lifasi.”+

Litaluso ze kwatasi

Kamba “habasepahali.”
Linzwi ka linzwi, “kuzwa feela mwa mba.”
Kamba “litau zabana za bulizi-lizi mwa mulala.”