Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 57:1-11

LITABA ZE MWAHALI

  • Kupo ya kushemubiwa

    • Kusabela mwatasaa mafufa a Mulimu (1)

    • Lila liswaseha mwa malaba azona (6)

Ku muzamaisi wa lipina; ka mulumo wa “Usike Wasinya.” Samu ya Davida. Mikitami.* Hanaamatezi mwa mukoti kabakala kusaba Saule.+ 57  Unishemube, wena Mulimu, unishemube, Kakuli nisabela ku wena,+ Mi mwa muluti wa mafufa ahao ki mona monisabela kufitela liziyezi lifela.+   Nihuweleza ku Mulimu yena Yapahami ka Kufitisisa, Ku Mulimu wa niti, yanifeliseza zona.   Uka nilumela tuso kuzwa kwa lihalimu mi uka nipilisa.+ Uka palelwisa yanilwanisa. (Selah) Mulimu ukaluma lilato lahae lelisa feli ni busepahali bwahae.+   Nipotolohilwe ki litau;+ Hanina mwakuezeza kwandaa kulobala mwahalaa baana bababata kunica, Ili bao meeno abona ki malumo ni masho Mi lulimi lwabona ki mukwale obuhali.+   Upahamiswe fahalimwaa mahalimu, wena Mulimu; Kanya yahao ibe fahalimwaa lifasi kamukana.+   Balukisize kanyandi kuli baswase mahutu aka;+ Niimezwi ki liziyezi.+ Baniyepezi mukoti kwapili, Kono ki bona babawezi mwateñi.+ (Selah)   Pilu yaka itiile, wena Mulimu,+ Pilu yaka itiile. Nikaopela ni kuliza lipina.   Uzuhe, wena kanya yaka. Uzuhe, wena sesilizwa sa mihala; ni wena harepa. Nikashituka pili kusika patalala kale.+   Nika kulumbeka mwahalaa macaba, wena Jehova;+ Nika kuopelela milumbeko mwahalaa macaba.+ 10  Kakuli lilato lahao lelisa feli ki lelituna, lipahami sina mahalimu,+ Mi busepahali bwahao buyo fita ni mwa mbyumbyulu. 11  Upahamiswe fahalimwaa mahalimu, wena Mulimu; Kanya yahao ibe fahalimwaa lifasi kamukana.+

Litaluso ze kwatasi