Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 55:1-23

LITABA ZE MWAHALI

  • Tapelo yefiwa kabakala kubetekiwa ki mulikani

    • Kunyefulwa ki mulikani yomutuna (12-14)

    • “Unepele mushimbo wahao ku Jehova” (22)

Ku muzamaisi wa lipina; kuitusiswe zelizwa za mihala. Masikili.* Samu ya Davida. 55  Uutwe tapelo yaka, wena Mulimu,+ Mi usike waeza inge yasika utwa kupo yaka ya kunishwela makeke.*+   Uniteeleze mi unialabe.+ Pilaelo yaka iniziyelize,+ Mi nakatazeha mwa munahano   Kabakala zesibulela sila saka Ni kukatazwa ki yamaswe. Kakuli banitahiseza butata, Mi banibonisa ndimbelela ka bunyemi.+   Pilu yaka iutwa butuku mwa sifuba saka,+ Mi sabo ya lifu iniimezi.+   Nikenezwi ki sabo ni tutumelo, Mi nangangama.   Nizwelapili kubulela kuli: “Kambe neninani mafufa inge liiba! Nenika fufela kusili ni kuyo pila mwa buiketo.   Nenika sabela kwahule.+ Nenika yo unyumana mwa lihalaupa.+ (Selah)   Nenika akufela kwa sibaka sa makundamo Kwahule ni moya obuhali, kwahule ni liñungwa.”   Wena Jehova, ubalyanganise mi upalelwise milelo yabona,*+ Kakuli niboni lindwa ni mifilifili mwa muleneñi. 10  Musihali ni busihu bazamaya bapotoloha muleneñi fa mamota aona; Mwa muleneñi kunani lunya ni butata.+ 11  Mwa muleneñi kusinyehile; Buhateleli ni bupumi halifeli mwa patelo yaona.+ 12  Kakuli haki sila saka sesininyefula;+ Kambe ki cwalo, nenika itiisa. Yanitoile haki yena yanifetuhezi; Kambe ki cwalo, nenika ipata yena. 13  Kono ki wena, mutu inge na,*+ Wena mulikanaaka tota, yeniziba hande.+ 14  Neluikolanga siango sesinde hamoho; Neluzamaelelanga hamoho ni silundwamanji halukena mwa ndu ya Mulimu. 15  Haike sinyeho ibafumane!+ Bashetumukele mwa Libita* banze bapila; Kakuli bumaswe bu mwahalaa bona mi bu ku bona. 16  Haili na, nikahuweleza ku Mulimu, Mi Jehova uka nipilisa.+ 17  Nakatazeha ni kutonga,* manzibwana ni kakusasana ni musihali,+ Mi yena wautwa linzwi laka.+ 18  Uka nilamulela* ni kunifa kozo ku baba nilwanisa, Kakuli undi wa nyangela banilwanisa.+ 19  Mulimu ukautwa mi uka baalaba,+ Yena yainzi mwa lubona kuzwa kale-kale koo.+ (Selah) Bakahana kucinca, Bona babasika saba Mulimu.+ 20  Ulwanisize* babapilisana ni yena ka kozo;+ Ulobile tumelelano yahae.+ 21  Manzwi ahae abunolo kufita mbata,+ Kono mwa pilu yahae kuinzi mufilifili. Manzwi ahae abuleta kufita oli, Kono ki mikwale yecomozwi.+ 22  Unepele mushimbo wahao ku Jehova,+ Mi uka kutiisa.+ Haana kulumeleza yalukile kuli awe.*+ 23  Kono wena Mulimu uka bashetumukiseza mwa mukoti otungile hahulu.+ Batu babanani mulatu wa kusulula mali, babanani bupumi, habana kupila licika la mazazi abona.+ Haili na, nikasepa wena.

Litaluso ze kwatasi

Kamba “Mi usike waipata hanilapela ku wena kukupa tuso.”
Linzwi ka linzwi, “ukauhanye lulimi lwabona.”
Kamba “mutu, yalikana ni na.”
Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.
Kamba “Nabongana.”
Linzwi ka linzwi, “Uka niliulula.”
Fo kikuli, mutu yanaabanga mulikanaa hae yabulezwi mwa litimana 13 ni 14.
Kamba “kutantalika; kuzikinyeha.”