Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 52:1-9

LITABA ZE MWAHALI

  • Kusepa lilato la Mulimu lelisa feli

    • Babaitumba ka bumaswe balemuswa (1-5)

    • Babasa sabi Mulimu basepile bufumu (7)

Ku muzamaisi wa lipina. Masikili.* Samu ya Davida, muta Doege wa Muedomo naatile kuto bulelela Saule kuli Davida naaile kwa ndu ya Akimeleki.+ 52  Uitumbelañi ka likezo zahao zemaswe, wena yamaata?+ Lilato la Mulimu lelisa feli liina lizazi kaufela.+   Lulimi lwahao, lolushengile inge mbeli,+ Lulela zemaswe mi lueza ka bupumi.+   Ulata hahulu zemaswe kufita zende, Ulata hahulu kupuma kufita kubulela niti. (Selah)   Ulata linzwi kaufela leliholofaza, Wena lulimi lolunani bupumi!   Ka libaka leo, Mulimu uka kulutulula feela hañwi ni kukufeza;+ Uka kupamula ni kukuhohololela kwande a tende yahao;+ Uka kukumula mwa naha ya babapila.+ (Selah)   Babalukile bakabona taba yeo mi bakasaba,+ Mi bakaseha yamaswe,+ bali:   “Ki yo mutu yanaasika sabela ku Mulimu,+ Kono naasepile bufumu bwahae bobuñata+ Mi naaitingile fa* milelo yahae yemaswe.”*   Kono na, nikaba sina kota ya olive ya matali amañata mwa ndu ya Mulimu; Nisepile lilato la Mulimu lelisa feli,+ kamita ni kuya kuile.   Nika kulumbeka kuya kuile kakuli uungile muhato;+ Mwahalaa babasepahala bahao, Nikasepa libizo lahao,+ kakuli ki lelinde.

Litaluso ze kwatasi

Kamba “naakundami kwa.”
Linzwi ka linzwi, “miinelo yemaswe yaatahisa.”