Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 51:1-19

LITABA ZE MWAHALI

  • Tapelo ya mutu yabakile

    • Kuba ni sibi asali mwa mba (5)

    • “Unikenise kwa sibi saka” (7)

    • “Ubupe ku na pilu yekenile” (10)

    • Pilu yebakile itabisa Mulimu (17)

Ku muzamaisi wa lipina. Samu ya Davida, mupolofita Natani hanaatile ku yena, Davida amano lobala ni Bati-sheba.+ 51  Unishemube, wena Mulimu, kulikana ni lilato lahao lelisa feli.+ Utakule lifoso zaka kulikana ni makeke ahao amatuna.+   Unitapise bufosi bwaka kaufela,+ Mi unikenise kwa sibi saka.+   Kakuli niziba hande lifoso zaka, Mi sibi saka si fapilaa ka* kamita.+   Nikufoselize—sihulu wena* ki wena yenifoselize;+ Niezize nto yemaswe mwa meeto ahao.+ Kabakaleo, u yalukile haubulela Mi uatula ka kuluka.+   Bona! Nipepilwe inze ninani mulatu, Mi me naaitwalezi na mwa sibi.*+   Bona! Wena utabela niti ye mwa pilu ya mutu;+ Ulute pilu yaka butali bwa niti.   Unikenise kwa sibi saka ka hisopa, kuli nibe yakenile;+ Unitapise, kuli nibe yomusweu kufita litwa.+   Uniutwise milumo ya tabo ni nyakalalo, Kuli masapo eutubile anyakalale.+   Talimisa pata yahao kusili isiñi kwa* libi zaka,+ Mi utakule lifoso zaka kaufela.+ 10  Wena Mulimu, ubupe ku na pilu yekenile,+ Mi unife moya omunca+ wa tundamo. 11  Usike wanileleka fapilaa hao; Mi usike waniamuha moya wahao okenile. 12  Unikutiseze tabo ya kupilisa kwahao;+ Uzusuluse ku na moya wa kulata kukuutwa.* 13  Nikaluta lifosi linzila zahao,+ Kuli baezalibi bakutele ku wena. 14  Unipilise kwa mulatu wa kusulula mali,+ wena Mulimu, Mulimu yanipilisa,+ Kuli lulimi lwaka luzibahaze kuluka kwahao ka tabo.+ 15  Wena Jehova, uatamise milomo yaka, Kuli mulomo waka uzibahaze milumbeko yahao.+ 16  Kakuli haubati sitabelo—kambesi cwalo, nenika kufa sona;+ Hautabeli nubu ya kucisa yefiwa mutumbi.+ 17  Matabelo aatabisa Mulimu ki moya oswabile; Wena Mulimu, hauna kuhana* pilu yelobehile ni yebakile.+ 18  Ka sishemo sahao, ueze Sione hande; Uyahe mamota a Jerusalema. 19  Mi fo, ukatabela matabelo a kuluka, Matabelo a kucisa ni linubu zefiwa mutumbi; Mi cwale lipoho likafiwa fa aletare yahao.+

Litaluso ze kwatasi

Kamba “si mwa munahano waka.”
Linzwi ka linzwi, “wena unosi.”
Kamba “Mi nibile ni sibi kuzwa feela faitwalela na me.”
Kamba “Upate pata yahao kuli isike yabona.”
Linzwi ka linzwi, “Haku nituse ka kunifa moya wa kuitatela.”
Kamba “kukenda.”