Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 5:1-12

LITABA ZE MWAHALI

  • Jehova, ki masabelo a babalukile

    • Mulimu utoile bumaswe (4, 5)

    • “Nizamaise mwa kuluka kwahao” (8)

Ku muzamaisi wa lipina wa Nehiloti.* Samu ya Davida. 5  Teeleza kwa manzwi aka, wena Jehova;+Uutwe sitongo saka.   Uteeleze kwa muhuwo waka wa kukupa tuso,Wena Mulenaaka ni Mulimu waka, kakuli nilapela ku wena.   Wena Jehova, ukautwa linzwi laka kakusasana;+Kakusasana nika kutaluseza pilaelo yaka+ mi nikalibelela ka pilu-telele.   Kakuli hau Mulimu yatabela bumaswe;+Hakuna yamaswe yakona kuina ni wena.+   Hakuna yaikuhumusa yakona kuyema fapilaa hao. Utoile batu kaufela babaeza zemaswe;+   Ukatimeza bababulela buhata.+ Jehova utoile batu ba lindwa ni bapumi.*+   Kono nikakena mwa ndu yahao+ kabakala lilato lahao lelituna lelisa feli;+Nikakubama inze nitalimezi kwa tempele yahao yekenile* ka sabo yeni kusaba ka yona.+   Wena Jehova, nizamaise mwa kuluka kwahao kabakala lila zaka; Unilukiseze nzila yahao.+   Kakuli zebabulela halisepahali;Banani milelo yemaswe;Mumizo wabona ki libita leliatami;Bacolaula ka lulimi lwabona.*+ 10  Kono Mulimu uka baatula kuli banani mulatu;Milelo yabona ki yona yeka batahiseza kuwa.+ Balelekelwe kwahule kabakala milatu yabona yemiñata,Kakuli bakukwenuhezi. 11  Kono batu kaufela babasabela ku wena bakataba;+Bakahuweleza ka tabo kamita. Ukatibela bababata kubaeza maswe,Mi babalata libizo lahao bakataba kabakala hao. 12  Kakuli ukafuyola mutu kaufela yalukile, wena Jehova;Kubatabela kwahao kukaswana inge tebe yetuna yeebasileleza.+

Litaluso ze kwatasi

Kamba “mutu yasulula mali ni mupumi.”
Kamba “sibaka sahao sesikenile.”
Kamba “Baitusisa lulimi lwa kalole.”