Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 48:1-14

LITABA ZE MWAHALI

  • Sione, muleneñi wa Mulena Yomutuna

    • Lilundu lelitabisa lifasi kamukana (2)

    • Mutatube muleneñi ni litawala zaona (11-13)

Pina. Samu ya bana ba Kora.+ 48  Jehova ki yomutuna mi uswanela hahulu kulumbekwa Mwa muleneñi wa Mulimu waluna, fa lilundu lahae lelikenile.   Lilundu lelinde lelilumbile, litabisa lifasi kamukana,+ Lona Lilundu la Sione leli kwa sibaka sa kwahule kwa mutulo, Ona muleneñi wa Mulena Yomutuna.+   Mwa litawala zaona zesilelelizwe, Mulimu uzibahalize kuli ki yena masabelo atiile.*+   Kakuli, hamubone! malena bakopani;* Batile hamoho.   Hane bauboni, bamakala. Baikalelwa mi babaleha ka sabo.   Bangangama habali kwateñi, Bautwa butuku bobutuna inge bwa musali yapuluha.   Usinya lisepe za Tareshishi ka moya wa kwa upa.   Zene luutwile, luiponezi zona cwale Mwa muleneñi wa Jehova wa limpi, mwa muleneñi wa Mulimu waluna. Mulimu uka utiisa kuya kuile.+ (Selah)   Lunahanisisa lilato lahao lelisa feli, wena Mulimu,+ Mwa tempele yahao. 10  Sina libizo lahao, wena Mulimu, milumbeko yahao Iyo fita ni kwa mafelelezo a lifasi.+ Mwa lizoho lahao la bulyo kutezi kuluka.+ 11  Haike Lilundu la Sione+ litabe, Litolopo* za Juda liwabelwe, kabakala likatulo zahao.+ 12  Mupotolohe Sione; mupota-pote mwateñi; Mubale litawala zayona.+ 13  Muise lipilu zamina kwa mamota ayona atiile.+ Mutatube litawala zayona zesilelelizwe, Kuli mukone kutalusa zateñi kwa masika a kwapili. 14  Kakuli Mulimu yo ki Mulimu waluna+ kamita ni kuya kuile. Uka luetelela kuya kuile.*+

Litaluso ze kwatasi

Kamba “sibaka sesilumbile sa silelezo.”
Kamba “bakopani ka kulumelelana.”
Linzwi ka linzwi, “Bana babasizana.”
Kamba mwendi, “kufitela lushwa.”