Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 46:1-11

LITABA ZE MWAHALI

  • “Mulimu ki masabelo aluna”

    • Misebezi ya Mulimu yemakaza (8)

    • Mulimu ufelisa lindwa mwa lifasi kamukana (9)

Ku muzamaisi wa lipina. Samu ya bana ba Kora.+ Ka mulizezo wa Alamoti.* Pina. 46  Mulimu ki masabelo aluna ni maata aluna,+Ki tuso yefumanwa kapili mwa linako za ziyezi.+   Ki lona libaka halusike lwasaba, lifasi niha linyanganya,Malundu niha wela mwa buliba bwa liwate,+   Mezi alona niha tuuma ni kutubula lufulo,+Malundu niha zikinyeha kabakala kubifa kwalona. (Selah)   Kunani nuka yeo linukana zayona litabisa muleneñi wa Mulimu,+Ili tabernakele yekenile, yekateleha, ya Yapahami ka Kufitisisa.   Mulimu u mwa muleneñi;+ muleneñi haukoni ku­tulwa. Mulimu uka utusa hakupatalala.+   Macaba naafilikani, mibuso neituzwi;Apahamisa linzwi lahae, mi lifasi lashengunuka.+   Jehova wa limpi uinzi ni luna;+Mulimu wa Jakobo ki masabelo aluna atiile.* ­(Selah)   Amutahe muto iponela misebezi ya Jehova,Mwaezelize lika zemakaza mwa lifasi.   Ufelisa lindwa mwa lifasi kamukana.+ Uloba buta ni kupumaka lilumo;Ucisa likoloi za ndwa* ka mulilo. 10  “Amukoze mi muzibe kuli ki na Mulimu. Nikabubekwa mwahalaa macaba;+ Nikabubekwa mwa lifasi.”+ 11  Jehova wa limpi uinzi ni luna;+Mulimu wa Jakobo ki masabelo aluna atiile.+ ­(Selah)

Litaluso ze kwatasi

Kamba “sibaka sesilumbile sa silelezo.”
Kamba mwendi, ­“litebe.”