Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 45:1-17

LITABA ZE MWAHALI

  • Linyalo la mulena yatozizwe

    • Manzwi akateleha (2)

    • “Mulimu ki lubona lwahao kamita” (6)

    • Mulena unyolelwa bunde bwa munyaliwa (11)

    • Bana babashimani bakaba manduna mwa lifasi kaufela (16)

Ku muzamaisi wa lipina; ka mulumo wa “Mayangayanga.” Samu ya bana ba Kora.+ Masikili.* Pina ya lilato. 45  Pilu yaka inyangumunwa ki taba yetabisa. Nili: “Pina yaka ibulela* za mulena.”+ Haike lulimi lwaka lube siñoliso+ sa mukopisi* wa sikwala.+   U yomunde kufita bana ba batu kaufela babashimani. Mwa mulomo wahao kuzwa manzwi akateleha.+ Ki lona libaka Mulimu hakufuyozi kuya kuile.+   Uitame mukwale+ wahao fa noka, wena yamaata,+ Ka kukutekeha kwahao ni kutompeha kwahao.+   Mi ka kutompeha kwahao, uzwelepili kufitela utula;+ Upahame pizi yahao bakeñisa niti ni buikokobezo ni kuluka,+ Mi lizoho lahao la bulyo likapeta* misebezi yesabisa.   Masho ahao ashengile, awisa macaba fapilaa hao;+ Ataba lila za mulena kwa lipilu.+   Mulimu ki lubona lwahao kamita ni kuya kuile;+ Mulamu wa bulena wa mubuso wahao ki mulamu wa kuluka.*+   Neulatile kuluka,+ mi neutoile bumaswe.+ Ki lona libaka Mulimu, yena Mulimu wahao, hanaa kutozize+ ka oli ni kukufa tabo yetuna+ kufita balikani bahao.   Liapalo zahao kaufela linunka mira ni aloe ni kasia; Kwa ndu ya bulena yekabisizwe ka manaka a litou, kuutwahala mulumo wa zelizwa za mihala osweli kukutabisa.   Bana ba malena babasizana ba mwahalaa basali bahao babakutekaha. Muoli uyemi kwa lizoho lahao la bulyo, inzaa kabile ka gauda ya kwa Ofiri.+ 10  Utwa, wena mwanaka wamusizana, teeleza mi usikeke zebe yahao; Ulibale sicaba sahenu ni ba ndu ya ndataho. 11  Mi mulena ukanyolelwa bunde bwahao, Kakuli ki mulenaa hao, Cwale umukubamele. 12  Mwana wamusizana wa kwa Tire ukataha ni mpo; Babafumile hahulu mwa sicaba bakabata kushemubiwa ki wena. 13  Mwa ndu ya bulena, mwanaa mulena wamusizana ubonahala hande hahulu; Liapalo zahae likabisizwe ka gauda. 14  Ukatiswa ku mulena inzaa apezi liapalo zende zeindilwe. Balikani bahae babalyanjo baba mulatelela, batiswa fapilaa hao. 15  Bakatiswa ka tabo ni nyakalalo; Bakakena mwa ndu ya bulena. 16  Bana bahao babashimani bakaanga sibaka sa bo kuku wahao. Uka baketa kuba manduna mwa lifasi kaufela.+ 17  Nikazibahaza libizo lahao mwa masika kaufela a kwapili.+ Ki lona libaka macaba aka kulumbeka kamita ni kuya kuile.

Litaluso ze kwatasi

Linzwi ka linzwi, “Misebezi yaka ki ya.”
Kamba “muñoli.”
Linzwi ka linzwi, “lika kuluta.”
Kamba “katulo yelukile.”