Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 42:1-11

LITABA ZE MWAHALI

  • Kulumbeka Mulimu ka kuba yena Mupilisi Yomutuna

    • Kunyolelwa Mulimu sina lizwii lelinyolezwi mezi (1, 2)

    • “Kiñi hanifelezwi ki sepo?” (5, 11)

    • “Ulibelele Mulimu” (5, 11)

Ku muzamaisi wa lipina. Masikili* ya bana ba Kora.+ 42  Sina lizwii lelinyolezwi mezi abuba, Ni na, nikunyolezwi cwalo, wena Mulimu.   Ninyolezwi Mulimu, yena Mulimu yapila.+ Nikataha lili fapilaa Mulimu?+   Miyoko yaka ki sona sico saka musihali ni busihu; Lizazi kaufela batu baninyefula, bali: “Mulimu wahao ukai?”+   Lika ze nalihupula, mi moyo* waka ulwanisana ni maikuto aka, Kakuli ka nako yeñwi nenizamayanga ni silundwamanji; Nenizamayanga ka bunya fapilaa bona inze luya kwa ndu ya Mulimu, Ka mihuwo ya tabo ni buitumelo, Ya sicaba sesieza mukiti.+   Kiñi hanifelezwi ki sepo?+ Ki kabakalañi haniziyelehile hahulu cwana? Ulibelele Mulimu,+ Kakuli nika mulumbeka hape ka kuba yena Mupilisi Yomutuna waka.+   Mulimu waka, nifelezwi ki sepo.+ Ki lona libaka hani kuhupula,+ Mwa naha ya Jordani ni fahalimwaa malundu a Hermoni, Fa Lilundu la Mizeari.*   Buliba bwa mezi buhuweleza buliba bobuñwi bwa mezi, Hakuutwahala mulumo wa libuba zahao. Mandinda ahao kaufela amatuna aniapesize.+   Musihali, Jehova uka nibonisa lilato lahae lelisa feli, Mi busihu pina yahae ikaba ni na—tapelo yenifitisa ku Mulimu wa bupilo bwaka.+   Nikabulelela Mulimu, yena licwe laka, kuli: “Unilibaleziñi?+ Kiñi senika zamaela inze niswabile kabakala kunyandiswa ki sila saka?”+ 10  Lila zaka lininyefula ka sitoyo sa kubata kunibulaya;* Lizazi kaufela lininyefula, lili: “Mulimu wahao ukai?”+ 11  Kiñi hanifelezwi ki sepo? Ki kabakalañi haniziyelehile hahulu cwana? Ulibelele Mulimu,+ Kakuli nika mulumbeka hape ka kuba yena Mupilisi Yomutuna waka ni Mulimu waka.+

Litaluso ze kwatasi

Kamba “lilundu lelinyinyani.”
Kamba mwendi, “inge zesweli kutubaka masapo aka.”