Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 41:1-13

LITABA ZE MWAHALI

  • Tapelo yelapelwa mwa mumbeta wa bukuli

    • Mulimu utiisa babakula (3)

    • Kubetekiwa ki mulikani yomutuna (9)

Ku muzamaisi wa lipina. Samu ya Davida. 41  Tabo ki ya mutu yatusa wa mayemo a kwatasi;+ Jehova uka mulamulela mwa lizazi la ziyezi.   Jehova uka musileleza ni kumupilisa. Ukabulelwa kuba yatabile mwa lifasi;+ Hauna kumufa mwa mazoho a lila zahae kuli limueze molilatela.*+   Jehova uka mutiisa fa mumbeta wahae wa bukuli;+ Uka mubabalela ka nako yakula.   Kakuli niize: “Wena Jehova, nishemube.+ Unifolise,+ kakuli nikufoselize.”+   Kono lila zaka linibulela ka lunya, lili: “Ukashwa lili kuli libizo lahae liyunde?”   Yomuñwi wa ku bona hato nilekula, pilu yahae ibulela buhata. Ubata litaba zemaswe za kubulela; Kihona azwela kwande ni kuyo lihasanya.   Baba nitoile kaufela bashobotelana; Balela kunieza maswe, bali:   “Uwezwi ki nto yesabisa; Cwale haubona uwile, haana kuzuha hape.”+   Nihaiba mutu yenipilisana ni yena ka kozo, yene nisepile,+ Yanaacanga lico zaka, unifetuhezi.*+ 10  Kono wena Jehova, unishemube mi unizuse, Kuli nibakutiseze bumaswe bwabona. 11  Sesika nizibisa kuli wanitabela ki se: Sila saka hasisike sahuweleza kabakala kuli sinikonile.+ 12  Haili na, wanitiisa kabakala kusepahala kwaka;+ Uka nibuluka fapilaa hao kuya kuile.+ 13  Haike Jehova, yena Mulimu wa Isilaele, alumbekwe Kamita ni kuya kuile.*+ Ameni! Ameni!

Litaluso ze kwatasi

Kamba “molilakaleza.”
Linzwi ka linzwi, “uyemiselize lisito lahae mwahalimu kunilwanisa.”
Kamba “Kuzwa kokusina makalelo kuya kokusina mafelelezo.”