Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 33:1-22

LITABA ZE MWAHALI

  • Kulumbeka Mubupi

    • “Mumuopelele pina yenca” (3)

    • Lika libupilwe ka linzwi la Jehova ni ka moya wahae (6)

    • Sicaba sa Jehova sitabile (12)

    • Meeto a Jehova atalima (18)

33  Mina babalukile, muhuweleze ka tabo kabakala Jehova.+ Kwaswanela kuli babanani niti bamulumbeke.   Muitumele ku Jehova ka harepa; Mumuopelele milumbeko ka sesilizwa sa mihala yelishumi.   Mumuopelele pina yenca;+ Mulize mihala ka bukwala, munze muhuweleza ka tabo.   Kakuli linzwi la Jehova ki la niti,+ Mi zaeza kaufela zasepahala.   Ulata kuluka ni katulo yelukile.+ Lifasi kamukana litezi lilato la Jehova lelisa feli.+   Mahalimu naaezizwe ka linzwi la Jehova,+ Mi ze ku ona kaufela* neliezizwe ka moya wabulula mwa mulomo wahae.   Ukubukanya mezi a liwate kulokulikuñwi inge mwa lisa la mamota;+ Mezi abifile uabeya mwa mabulukelo.   Lifasi kamukana lisabe Jehova.+ Babayahile mwa naha bamusabe.   Kakuli naabulezi mi kwaezahala cwalo;+ Alaela mi zalaezi zabateñi.+ 10  Jehova upalelwisize milelo* ya macaba;+ Umbonjanisize milelo* ya batu.+ 11  Kono likatulo* za Jehova likaina kuya kuile;+ Mihupulo ya pilu yahae haicinci kuzwa lusika loluñwi kuya ku loluñwi. 12  Tabo ki ya sicaba seo Jehova ali Mulimu wasona,+ Sona sicaba saketile kuba liluwo lahae.+ 13  Jehova utalimela fafasi inzaa li kwa lihalimu; Ubona bana ba batu kamukana.+ 14  Kuzwelela mwa sibaka sapila ku sona, Utalimisisa babayahile mwa lifasi. 15  Ki yena yabupa lipilu za batu kamukana; Utatuba misebezi yabona kaufela.+ 16  Mpi yetuna haki yona yepilisa mulena;+ Muuna yamaata haapiliswi ki maata ahae amatuna.+ 17  Kuisepisa kupiliswa ki* pizi ki kuipuma;+ Maata ayona amatuna haakoni kupunyusa mutu. 18  Hamubone! Meeto a Jehova atalima baba musaba,+ Babalibelela lilato lahae lelisa feli, 19  Kuli abalamulele kwa lifu Ni kubapilisa ka nako ya lukupwe.+ 20  Lulibelezi Jehova. Ki yena mutusi waluna ni tebe yaluna.+ 21  Lipilu zaluna litabiswa ki yena, Kakuli lusepile libizo lahae lelikenile.+ 22  Haike lilato lahao lelisa feli libe ni luna, wena Jehova,+ Halunze lukulibelezi.+

Litaluso ze kwatasi

Linzwi ka linzwi, “mpi yaona kamukana.”
Kamba “likelezo.”
Kamba “mihupulo.”
Kamba “likelezo.”
Kamba “kutula ka.”