Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 32:1-11

LITABA ZE MWAHALI

  • Tabo ki ya babaswalezwi libi zabona

    • “Naipulela sibi saka ku wena” (5)

    • Mulimu ukufa kutwisiso (8)

Samu ya Davida. Masikili.* 32  Tabo ki ya mutu yaswalezwi mulatu wahae, yakwahelezwi* sibi sahae.+   Tabo ki ya mutu yasika fumanwa mulatu+ ki Jehova, Yasina moya wa bupumi.   Hane niikuzelize, masapo aka ayonga kabakala kutonga lizazi kaufela.+   Kakuli musihali ni busihu lizoho* lahao neli nilimbile.+ Maata aka afela* sina mwafelelanga mezi hakucisa ka nako ya litabula. (Selah)   Kwa mafelelezo, naipulela sibi saka ku wena; Nenisika pata bufosi bwaka.+ Neniize: “Nikaipulela lifoso zaka ku Jehova.”+ Mi seu niswalela mulatu wa libi zaka.+ (Selah)   Ki lona libaka mutu kaufela yasepahala ukalapela ku wena+ Ka nako yeusafumaneha.+ Fo, nihaiba mezi a muunda haana kumufumana.   Ki wena maipato aka; Uka nisileleza kwa ziyezi.+ Uka nibeya mwahali ka mihuwo ya tabo ya puluso.+ (Selah)   Neuize: “Nika kufa kutwisiso ni kukuluta nzila yeuswanela kuzamaya ku yona.+ Nika kueleza inze nikutalimezi ka meeto aka.+   Usike waba sina pizi kamba mbongolo,* zesina kutwisiso,+ Zetokwa kuzamaiswa ka tumo kamba ntambo halitakisa, Kuli lisutelele ku wena.” 10  Zeutwisa babamaswe butuku ki zeñata; Kono yasepile Jehova uapesizwe ki lilato Lahae lelisa feli.+ 11  Mutabe kabakala Jehova mi muwabelwe, mina babalukile; Muhuweleze ka tabo, mina kaufela ba lipilu zenani niti.

Litaluso ze kwatasi

Kamba “yaswalezwi.”
Kamba “bunyemi.”
Kamba “Mukamo wa bupilo bwaka wacinca.”
Fo kikuli, limbema. Linzwi la Siheberu litalusa folofolo yepepilwe ki mbongolo ni pizi.