Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 29:1-11

LITABA ZE MWAHALI

  • Linzwi la Jehova lelimaata

    • Kulapela Mulimu mwa mikabo yekenile (2)

    • “Mulimu yanani kanya wapalakata inge mushika” (3)

    • Jehova utiisa batu bahae (11)

Samu ya Davida. 29  Mufe Jehova sesi muswanela, mina bana ba babamaata, Mufe Jehova sesi muswanela kabakala kanya ni maata ahae.+   Mufe Jehova kanya yeswanela libizo lahae. Mukubamele* Jehova inze mukabile zekenile.*   Linzwi la Jehova liutwahala fahalimwaa mezi; Mulimu yanani kanya wapalakata inge mushika.+ Jehova u fahalimwaa mezi amañata.+   Linzwi la Jehova limaata;+ Linzwi la Jehova ki la bulena.   Linzwi la Jehova lilobaka likota za sidare; Ki cwalo, Jehova utubaka likota za sidare za kwa Lebanoni.+   Utulakisa Lebanoni* inge namani, Mi utulakisa Sirioni+ inge pohwana ya mwa naheñi.   Linzwi la Jehova limyamyatisa malimi a mulilo;+   Linzwi la Jehova lingangamisa lihalaupa;+ Jehova ungangamisa lihalaupa la Kadeshi.+   Linzwi la Jehova lingangamisa lizwii ni kulizwalisa Mi litutula likota kaufela mwa mishitu.+ Mi batu kaufela mwa tempele yahae bali: “Kanya!” 10  Jehova uinzi mwa lubona lwahae fahalimwaa mezi a muunda;*+ Jehova uinzi mwa lubona lwahae sina Mulena kuya kuile.+ 11  Jehova ukafa batu bahae maata.+ Jehova ukafuyola batu bahae ka kubafa kozo.+

Litaluso ze kwatasi

Kamba “Mulapele.”
Kamba mwendi, “kabakala kanya ya bukeni bwahae.”
Kubonahala kuli sesitaluswa fo, ki malundu a Lebanoni.
Kamba “liwate la kwa lihalimu.”